Jyoti Chandekar Death : मराठी सिनेसृष्टीत ज्येष्ठ अभिनेत्री ज्योती चांदेकर यांच्या निधनाने सिनेविश्वावर शोककळा पसरली आहे. ज्योती यांच्या अचानक निधनाच्या बातमीने साऱ्यांना खूप मोठा धक्का बसला. वयाच्या ६९व्या वर्षी ज्योती यांची प्राणज्योत मालवली. काल १७ ऑगस्ट रोजी त्या अनंतात विलीन झाल्या. त्यांच्या अंत्यसंस्काराला कलाविश्वातील अनेक कलाकार मंडळींनी हजेरी लावलेली दिसली. त्यांच्या जाण्याने चाहते शोक व्यक्त करत आहेत. तर चाहते आणि अनेक सहकलाकार त्यांना श्रद्धांजली अर्पण केली. ज्योती चांदेकर शेवटच्या ठरलं तर मग या मालिकेत दिसल्या. या मालिकेत त्यांना पूर्णा आजी या पात्रामुळे विशेष लोकप्रियता मिळाली. मालिकेतील या पूर्णा आजी सगळ्यांच्याच आजी झाल्या.
‘स्टार प्रवाह’ वाहिनीनेही ज्योती यांना श्रद्धांजली वाहत व्हिडीओ शेअर केला आहे. ‘ज्योती ताई तुम्ही कायम आमच्या आठवणीत राहाल…भावपूर्ण श्रद्धांजली’ असं म्हणत सर्वांच्या लाडक्या पूर्णा आजीला म्हणजेच ज्योती चांदेकर यांना श्रद्धांजली अर्पण करत स्टार प्रवाहने व्हिडीओ शेअर केला आहे. इतकंच नाहीतर ‘स्टार प्रवाह’च्या आणि इतरही कलाकार मंडळींनी ज्योती यांच्या निधनानंतर भावुक पोस्ट शेअर केलेली पाहायला मिळाली. ‘स्टार प्रवाह’ने शेअर केलेल्या व्हिडीओमध्ये पूर्णा आजीबरोबरचे खास क्षण पाहायला मिळत आहेत.
स्टार प्रवाहने शेअर केलेला या व्हिडीओ पाहून चाहते भावुक झाल्याचं पाहायला मिळाले. चाहत्यांनी या व्हिडीओवर असंख्य कमेंट करत पूर्णा आजींना मिस करणार असल्याचं म्हटलं. ‘पूर्णा आजीशिवाय ठरलं तर मग अपूर्ण’, ‘अशी आज्जी पुन्हा होणे नाही.खरंच पूर्णा आजीकडे बघून असंच वाटायचं की आजी हवी तर अशीच’, ‘खरंच तुम्ही फसवलं इतक्या लवकर जायला नको होतं तुम्ही’, ‘आमचा तर अजूनही विश्वास बसत नाहीये’, ‘अतिशय दुःखद आणि अचानक घडलेली धक्कादायक घटना’, ‘खूप वाईट वाटत आहे. आपल्या घरातील कोणी तरी गेल्या सारखं वाटत आहे’, ‘उत्कृष्ट सादरीकरण पूर्णा आजी करायच्या. त्याजागी दुसरं पूर्णा आजीचा रोल केलं तरी त्याचं सारखं कोणीच करणार नाही खूप आठवणीत राहतील पूर्णा आजी’, अशा असंख्य कमेंट करत प्रेक्षक भावुक झाले.
यापूर्वी दोन वेळा ज्योती चांदेकर यांची मालिकेच्या शूटिंगदरम्यान प्रकृती बिघडली होती. त्यानंतर त्यांनी दोन महिने मालिकेतून ब्रेक घेतला. पण, त्या ब्रेकनंतर ज्योती पुन्हा मालिकेत परतल्या. मात्र, आता त्यांची पुन्हा एकदा प्रकृती बिघडली. आणि त्यांनी आजारपणातच अखेरचा श्वास घेतला. आता ज्योती चांदेकर यांची मालिकेतील कमी कायमच जाणवत राहील.
