lapandav serial promo : मालिकाविश्वात सध्या अनेक नव्या मालिका भेटीस येत आहेत. ‘स्टार प्रवाह’ वाहिनीवर नुकतीच ‘हळद रुसली कुंकू हसलं’ ही मालिका प्रेक्षकांच्या भेटीस आली. यानंतर आता ‘स्टार प्रवाह’ने नुकतीच आणखी एका नव्याकोऱ्या मालिकेची घोषणा केली आहे. अलीकडेच ‘स्टार प्रवाह’ने दोन नवीन प्रोमो शेअर केले होते. या प्रोमोद्वारे स्टार प्रवाहने लवकरच नवीन मालिका येणार असल्याचं सांगितलं. आणि अखेर मालिकेच्या समोर आलेल्या प्रोमोने या साऱ्या उत्सुकतेला पूर्णविराम दिला. समोर आलेल्या प्रोमोमध्ये मालिकेतील तीन महत्त्वाची पात्र उघड झाली आहेत. शिवाय मालिकेचे नाव लपंडाव असल्याचंही समोर आलं.
याआधीच्या प्रोमोमध्ये पांढऱ्या रंगाच्या डिझायनर साडीमध्ये असलेली अभिनेत्री समोरुन चालताना दिसत आहे. तर दुसऱ्या व्हिडीओमध्ये ड्रायव्हरची टोपी घालताना एक अभिनेता दिसला. मात्र या दोन्ही कलाकारांचे चेहरे दिसले नाहीत. आता अखेरीस या नव्या मालिकेबद्दल आणि यातल्या कलाकारांबद्दल एक मोठी अपडेट समोर आली आहे. स्टार प्रवाहाने नुकतीच त्यांच्या सोशल मीडियावरुन या नव्या मालिकेचा एक प्रोमो शेअर केला आहे. तसेच या मालिकेचे नाव ‘लपंडाव’ असून या मालिकेच्या प्रोमोमध्ये रुपाली भोसले सरकारच्या भूमिकेत आहे तर चेतन वडनेरे ड्रायव्हरच्या भूमिकेत आहे. या दोघांबरोबर अभिनेत्री कृतिका देव मुख्य भूमिकेत दिसतेय.
प्रोमोमधून उलगडलेल्या कथेत असं दिसतंय की, कृतिकाचं नाव सखी असून ती तिच्या आईच्या प्रेमाला आसुसलेली आहे. सखीच्या वाढदिवसाला रुपाली भोसले म्हणजेच सरकार तिला हाक मारतात. आणि ही हाक तिला लग्नासाठी मुलांचे फोटो दाखवायला असते. सखीचा वर मीच ठरवणार असं ती म्हणते . शेवटी जाता जाता एका ड्रायव्हरबरोबरच्या संभाषणात ती सखीचं लग्न होणार असं सांगताना दिसते. तर प्रेक्षकांचा या प्रोमोला आणि मालिकेतील कलाकरांना भरभरुन प्रतिसाद मिळतोय.
आणखी वाचा – एका लव्ह स्टोरीच्या अरेंज मॅरेजची गोष्ट, ‘प्रेमाची गोष्ट २’ चा टिझर समोर, मोठी स्टारकास्ट पडद्यावर झळकणार
यापूर्वी ही ‘आई कुठे काय करते’ मालिकेत रुपाली भोसलेने संजना ही ग्रे शेड असलेली भूमिका साकारली होती. आता पुन्हा एकदा ती लपंडाव या मालिकेतून उच्च, नामांकित, घरंदाज आणि चेहऱ्यावर बराच माज असलेली सरकार ही भूमिका साकारत आहे. आता रुपालीची ही नवी भूमिका प्रेक्षकांच्या कितपत पसंतीस पडणार आहे हे सारं पाहणं मालिकेत रंजक ठरेल.
