akshar kothari marriage : ‘स्टार प्रवाह’ वाहिनीवरील ‘लक्ष्मीच्या पाऊलांनी’ ही मालिका अल्पावधीतच लोकप्रियतेच्या शिखरावर पोहोचली. या मालिकेच्या कथानकाच्या प्रेक्षकांच्या मनात घर केलं. मालिकेतील कला अद्वैत ही जोडी तर प्रेक्षकांची आवडती जोडी आहे. या भूमिका अभिनेत्री इशा केसकर आणि अभिनेता अक्षर कोठारी साकारताना दिसत आहे. पहिल्यांदाच ही जोडी एकत्र काम करत असून त्यांच्या जोडीला प्रेक्षकांचं भरभरुन प्रेम मिळत आहे. आता मालिकेतील प्रेक्षकांचा लाडका हा अद्वैत खऱ्या आयुष्यात लग्नबंधनात अडकला आहे. थेट लग्नाचे फोटो शेअर करत त्याने चाहत्यांना ही आनंदाची बातमी दिली आहे.
अक्षरने इन्स्टाग्रामवर लग्नाचे फोटो शेअर करत चाहत्यांना सुखद धक्का दिला आहे. पत्नी सारिका खसणीसबरोबरचे लग्नाचे फोटो शेअर करत लग्न केल्याची बातमी दिली. अक्षरने लग्नाचे फोटो शेअर करत “Then, Now and Always” असं कॅप्शन दिलं आहे. या कॅप्शनसह त्याने ‘बचपन का प्यार’ हा हटके हॅशटॅगही दिला आहे. त्याचबरोबर दोघांनी त्यांच्या नावानुसार ‘SaAkshar’ हाही युनिक हॅशटॅग लिहिला आहे. अक्षरच्या कॅप्शनवरुन सारिका ही तिची बालपणीची मैत्रीण असल्याचं स्पष्ट होत आहे.
अक्षरने शेअर केलेल्या या फोटोमध्ये त्याने ऑफ व्हाईट रंगाचा सूट परिधान केला आहे. तर त्याच्या पत्नीने सारिकाने अबोली रंगाची सहावारी साडी परिधान केली आहे. आणि त्यावर घातलेल्या दागिन्यांनी तिचा नवऱ्या मुलूचा लूक तिने पूर्ण केला आहे. या फोटोंमध्ये अक्षर आणि सारिका दोघेही आनंदी असल्याचं पाहायला मिळत आहे. दरम्यान, अक्षरने शेअर केलेल्या फोटोखाली मालिकेतील सहकलाकार तसंच इंडस्ट्रीतील इतर अनेक कलाकारांनीही शुभेच्छांचा वर्षाव केला आहे. अक्षरच्या लग्नाला अभिनेत्री, लेखक शिल्पा नवलकर यांची उपस्थितीही पाहायला मिळाली.
आणखी वाचा – काजोलचा देवावरील विश्वासच उडाला, ‘तो’ काळ अभिनेत्रीसाठी खूपच कठीण, म्हणाली, “हे सोपे नव्हते”
अक्षरची पत्नी सारिकाबद्दल सांगायचं झालं तर, ती Scientist असल्याची माहिती आहे. सारिकाने तिच्या इन्स्टाग्रामच्या बायोमध्ये Scientist असल्याचं म्हटलं आहे. पण तिचं अकाउंट प्रायव्हेट असल्याने नेमकं ती काय करते हे समजू शकलेलं नाही.
