साऊथ सुपरस्टार अल्लू अर्जुन आज ४२ वा वाढदिवस साजरा करत आहे. या निमित्ताने त्याने प्रेक्षकांना एक जबरदस्त भेट दिली आहे. ‘पुष्पा’च्या पहिल्या भागाच्या यशानंतर आता दुसरा भाग प्रेक्षकांच्या भेटीला येत आहे. ‘पुष्पा२ : द रुल’ या चित्रपटाचा दमदार टीझर प्रेक्षकांच्या भेटीला आला आहे. हा टिझर प्रदर्शित होताच लाखों व्हियु मिळाले आहेत. १ मिनिटे ८ सेकंदांचा टीझर प्रेक्षकांच्या भेटीला येताच अल्लूच्या चाहत्यांनी अक्षरश: प्रेमाचा वर्षाव केला आहे. ग्रँड व्हिज्युअल्स, वायब्रंट कलर्स व बॅकग्राऊंडला असणाऱ्या ‘जथारा’ सिक्वेन्स पाहायला मिळत आहे. दुसऱ्या भागामुळे प्रेक्षकांमध्ये अधिक उत्सुकता पाहायला मिळत आहे. (Pushpa 2 Teaser out)
प्रदर्शित झालेल्या टीझरमध्ये अल्लू अर्जुनचे रौद्र रूप पाहायला मिळत आहे. वर्षभरापूर्वी त्याने या लूकमधील एक फोटोदेखील सोशल मीडियावर पोस्ट केला होता. तोच लूक आता टीझरच्या माध्यमातून पाहायला मिळत आहे. यामध्ये अल्लू अर्जुन भरजरी साडी, दागिने, गळ्यामध्ये लिंबाची माळ,कानात मोठे झुमके, पायात घुंगरू आणि हातात त्रिशूळ दिसून येत आहे. त्याचा हा लूक प्रेक्षकांना तोंडात बोटं घालायला लावणारा आहे. यामध्ये तो सर्वांशी मारामारी करताना दिसत आहे. तसेच मागे वाजत असलेले म्युजिक यामुळे अंगावर काटा उभा राहत आहे.
यामध्ये ‘जथारा’ म्हणजेच त्याला ‘समक्का सरलम्मा जथारा’ म्हणूनही ओळखले जाते. हा हिंदू आदिवासी देवींसाठी हा सोहळा साजरा केला जातो. हा सोहळा तेलंगणा राज्यांमध्ये साजरा करतात. या सोहळ्यासाठी १० लाखांपेक्षा अधिक भाविक ४ दिवसीय सोहळ्यामध्ये सामिल होतात.
टिझर येण्याआधी अल्लू अर्जुनने आपल्या चित्रपटाचे पोस्टर शेअर केले होते. “८ एप्रिल रोजी सकाळी ११ वाजून ७ मिनिटांनी टिझर प्रदर्शित होईल”, असे कॅप्शन लिहिले होते. या पोस्टरमध्ये अल्लू अर्जुनच्या हातात कुऱ्हाड दिसत आहे. तसेच तो एका सिंहासनावर विराजमान झालेला दिसून येत आहे.
२०२१ साली ‘पुष्पा’चा पहिला भाग प्रेक्षकांच्या भेटीला आला होता. यामध्ये लाल चंदनाची तस्करी करताना दिसत आहे. तसेच यामध्ये पुष्पराज व श्रीवल्लीची केमेस्ट्री दाखवण्यात आली आहे. यामध्ये कौटुंबिक कलहदेखील दिसून आले होते. तसेच चित्रपटाच्या शेवटी खलनायक शेखावतबरोबर झालेल्या मारमारीने पेक्षकांचे अधिक लक्ष वेधले होते. आता दुसऱ्या भागात पुष्पाचे नवीन व रौद्ररुप पाहायला मिळणार आहे.