sonu nigam karachi concert : गायक सोनू निगम आजही २००४ मध्ये कराचीमध्ये झालेला बॉम्बस्फोट विसरलेला नाही, ज्यामध्ये तो थोडक्यात बचावला होता. त्यात अनेकांना जीव गमवावा लागला आणि त्या हल्ल्याच्या आठवणी सोनू निगमच्या मनात आजही ताज्या आहेत. कराचीतील हा बॉम्बस्फोट १० एप्रिल २००४ रोजी झाला होता. सोनू निगमने त्या बॉम्बस्फोटाची एक रील इंस्टाग्रामवर शेअर केली आहे, ज्यामध्ये एका पाकिस्तानी व्यक्तीने सोनू निगमला वाचवण्यात कशी मदत केली हे सांगितले आहे. सोनू निगम ज्या ठिकाणी परफॉर्म करणार होता, त्याच्या परफॉर्मन्सच्या काही तास आधी बॉम्बस्फोट झाला. कराची बॉम्बस्फोटाचा व्हिडीओ एका पाकिस्तानी चाहत्याने इंस्टाग्रामवर शेअर केला आहे, ज्यामध्ये सोनू निगमच्या पाकिस्तान दौऱ्याबद्दल सांगण्यात आले आहे. सोनू निगमने त्याच्या इन्स्टाग्राम अकाऊंटवरही हा व्हिडीओ रिशेअर केला आहे. सोनू निगमचा शो सुरु होण्याच्या काही तासांपूर्वी, स्थळाजवळ एक स्फोट झाला, ज्यामध्ये बरेच नुकसान आणि जीवितहानी झाली, परंतु तरीही कडक सुरक्षेमध्ये कॉन्सर्ट आयोजित करण्यात आली होती, हे त्यात सांगण्यात आले आहे.
व्हिडीओमध्ये २०२५ मध्ये मरण पावलेल्या कॉन्सर्ट आयोजक फुरकान टी. सिद्दीकी यांची मुलाखत देखील आहे. बॉम्बस्फोटानंतर वातावरण किती गंभीर झाले होते, सुरक्षा वाढवण्यात आली होती आणि सोनू निगम आणि पाकिस्तानी रेंजर्सला कडेकोट सुरक्षेत कार्यक्रमस्थळी नेण्यात आले होते. स्फोट होऊनही सोनू निगमने मोठे धाडस दाखवत स्टेजवर जाऊन परफॉर्म केले. परफॉर्मन्सपूर्वी सोनू निगमने पाकिस्तानी लोकांना सांगितले होते, “मी तुमचे मनोरंजन करण्याचा प्रयत्न करतो. आज संध्याकाळ आहे, तुम्ही घाईत आहात का? भारत आणि पाकिस्तानचे लोक खूप दुर्दैवी आहेत, ज्यांना इतकी वर्षे प्रेमाची उणीव भासत होती… मग ते भारत असो की पाकिस्तान, आमचे प्रेम असेच वाढत राहो हीच प्रार्थना”.
आणखी वाचा – … म्हणून निर्मिती सावंत यांनी ‘सुपर डुपर’साठी मकरंद अनासपुरेंची घेतली मदत, म्हणाल्या, “भाषेचा आणि…”
व्हिडीओमध्ये फुरकान सिद्दीकी म्हणत होते की, “स्फोट झाला तेव्हा माझी कार पुढे होती. आम्ही पार केल, बस पार केली. अगदी मागच्या बाजूला स्फोट झाला. सर्वजण पांगल्यावर लोक पुढे धावले, मैदान समोर होते आणि ठिकाण उजव्या बाजूला होते. आम्ही पुढे मैदानाच्या कोपऱ्यात थांबलो आणि बस थेट जमिनीवर गेली. लोकांनी जमिनीवर जाऊन सुरक्षारक्षकांना मदतीसाठी बोलावले. तोपर्यंत पोलिसांनी तेथे येऊन त्यांना घेराव घातला. त्याच व्हिडीओमध्ये फुरकानने एका ठिकाणी सांगितले की कराची बॉम्बस्फोटाच्या घटनेने त्याला आणि सोनू निगमला कसे जवळ केले आणि त्यांच्यात कायमचे मजबूत बंध निर्माण झाले. फुरकान म्हणाले होते की, ‘दर १० एप्रिलला संदेश येतो की आपण भाऊ आहोत. मृत्यूच्या जबड्यातून वाचवले’. यामध्ये फुरकानने सोनू निगमच्या त्या वक्तव्याचा उल्लेख केला आहे ज्यात गायकाने त्याला सांगितले होते की, “येथे माझ्यावर हल्ला झाला होता… पण पाकिस्तानींनीच मला वाचवले”.
