‘हरी ओम हरी’, ‘रांबा हो’, ‘डिस्को डान्सर’ आणि अशा अनेक लोकप्रिय गाण्यांच्या गायिका उषा उत्थुप यांच्याबद्दल नुकतीच एक दुःखद बातमी समोर येत आहे. उषा उत्थुप यांचे पती चाको उत्थुप यांचं निधन झालं आहे. काल, ८ जुलै (सोमवार) रोजी त्यांचे निधन झाले. चाको उत्थुप यांनी वयाच्या ७८ व्या वर्षी अखेरचा श्वास घेतला. चाको उत्थुप यांच्या निधनामुळे कुटुंबावर दुःखाचा डोंगर कोसळला आहे. चाको उत्थुप यांच्या निधनाची माहिती स्वतः कुटुंबियांनी दिली आहे. मिळालेल्या माहितीनुसार, चाको उत्थुप घरात टीव्ही पाहात असताना अचानक त्यांना अस्वस्थ वाटू लागलं. त्यानंतर कुटुंबियांनी त्यांना तात्काळ रुग्णालयात दाखल केलं. पण तोपर्यंत उशीर झाला होता.
चाको उत्थुप यांना रुग्णालयात दाखल केल्यानंतर, डॉक्टरांनी त्यांना मृत घोषित केलं. डॉक्टरांनी दिलेल्या माहितीनुसार, चाको उत्थुप यांना हृदयविकाराचा झटका आल्यामुळे त्यांचं निधन झालं. आज मंगळवार ९ जुलै रोजी जानी यांच्या पार्थिवावर अंत्यसंस्कार करण्यात येणार आहेत. उषा उत्थुप यांचे दुसरे पती जानी चाको उत्थुप हे चहाच्या बागायती क्षेत्राशी संबंधित होते. उषा उत्थुप आणि चाको उत्थुप यांच्या नात्याबद्दल सांगायचं झालं तर, दोघांची भेट पहिल्यांदा ७०च्या दशकाच्या सुरूवातीस प्रथम प्रसिद्ध ट्रिनकासमध्ये भेटले होते. त्यांना एक मुलगा आणि एक मुलगी आहे. चाको उत्थुप हे उषा उत्थुप यांचे दुसरे पती आहेत.
आणखी वाचा – चंदीगढमध्ये घर, १० फ्लॅट, महागड्या कार अन्…; अरमान मलिककडे आहे इतकी संपत्ती, ऑडीमध्ये बसून शाळेत जातो लेक
उषा उत्थुप यांनी संगीत क्षेत्रात खूप मोठे योगदान दिले आहे. त्यांना तिसरा सर्वोच्च नागरी पुरस्कार व पद्मभूषण प्रदान करण्यात आला. आजही उषा उत्थुप यांनी गायलेली गाणी प्रसिद्ध आणि लोकप्रिय आहेत. अनेक वर्ष उषा उत्थुप बॉलिवूडमध्ये काम केलं आहे.
आणखी वाचा – मेष, मिथुन व कर्क राशींच्या लोकांना मंगळवारी होणार आर्थिक लाभ, व्यवसायातही होणार नफा, जाणून घ्या…
दरम्यान, उषा उत्थुप यांना शशी कपूर यांनी ब्रेक दिला आणि आज उषा उथुप एक प्रसिद्ध गायिका बनल्या उषा उत्थुप यांनी १६ भाषांमध्ये गाणी गायली आहेत. ज्यामध्ये बंगाली, हिंदी, पंजाबी, आसामी, ओरिया, गुजराती, मराठी, मल्याळम, कन्नड, तमिळ, तेलगू या भाषांचा समावेश आहे.
