Revati Lele Wedding : मराठी मनोरंजनसृष्टीत सध्या लगीनघाईचे वातावरण पाहायला मिळत आहे. अनेक कलाकार एकापाठोपाठ आपल्या लग्नसोहळ्याचे फोटो सोशल मीडियावर शेअर करत चाहत्यांना आनंदाची बातमी देताना दिसत आहेत. नुकतीच अपूर्वा नेमळेकर आणि एतशा संजगिरी यांच्या लग्नसोहळ्याची चर्चा रंगली होती. सोशल मीडियावर त्यांच्या विवाहसोहळ्याचे आणि मेहंदी सोहळ्याचे फोटो आणि व्हिडीओ मोठ्या प्रमाणात व्हायरल झाले होते. आता या चर्चेनंतर आणखी एका लोकप्रिय अभिनेत्री लग्नबंधनात अडकली आहे.
‘स्टार प्रवाह’ वाहिनीवरील ‘कोण होतीस तू, काय झालीस तू’ या मालिकेने प्रेक्षकांची मन जिंकली. या मालिकेतील अमृताची भूमिका साकारणारी अभिनेत्री रेवती लेले ही नुकतीच लग्नबंधनात अडकली आहे. रेवती लेलेने तिच्या सोशल मीडिया अकाउंटवर लग्नसोहळ्याचे सुंदर फोटो शेअर केले आहेत. या फोटोंमध्ये रेवतीने पिवळ्या रंगाची साडी आणि लाल रंगाचा शेला परिधान केला असून ती अत्यंत देखणी दिसत आहे. तिच्या नवऱ्याने लाल रंगाचा कुर्ता परिधान केला आहे. दोघांची जोडी पारंपरिक वेशभूषेत आकर्षक दिसत आहे. त्यांच्या चेहऱ्यावरचा आनंद विशेष लक्ष वेधून घेत आहे. रेवतीच्या या खास फोटोंवर चाहत्यांसह अनेक कलाकारांनी शुभेच्छांचा वर्षाव केला. सोशल मीडियावर तिच्या लग्नाची चर्चा रंगली. चाहत्यांकडून भरभरून प्रतिसाद मिळत आहे. Revati Lele Wedding
आणखी वाचा: अपूर्वा नेमळेकर पाठोपाठ आणखी एका अभिनेत्रीची लगीनघाई; मेहंदी सोहळ्याचे फोटो समोर
