Shreyas Talpade Health Update : अभिनेता श्रेयस तळपदेच्या प्रकृतीत बिघाड झाल्याची बातमी समोर आली आहे. ही बातमी समोर येताच प्रेक्षकांमध्ये चिंतेचं वातावरण असलेलं पाहायला मिळत आहे. अभिनेत्याला हृदयविकाराचा झटका आल्याने त्याला रुग्णालयात दाखल करण्यात आल्याचं समोर आलं. ‘वेलकम टू जंगल’ या चित्रपटांच चित्रीकरण संपवून तो घरी आल्यानंतर ही घटना घडली असल्याचे म्हटले जात आहे. घरी आल्यानंतर त्याने त्याच्या पत्नीला अस्वस्थ वाटत असल्याचं सांगितलं त्यांनतर तात्काळ अभिनेत्याला रुग्णालयात नेण्यात आलं.
रुग्णालयातील तपासणीदरम्यान अभिनेत्याच्या हृदयामध्ये ब्लॉक असल्याचं आढळलं. त्यानंतर लगेचच अँजिओप्लास्टी करण्यात आली. हृदयविकाराचा झटका येण्यापूर्वीच ही अँजिओप्लास्टी केल्याने मोठा धोका टळल्याचं ही समोर आलं. सध्या अभिनेत्याला डॉक्टरांच्या देखरेखीखाली ठेवण्यात आलं आहे. तसेच त्याच्या प्रकृतीतही सुधारणा होत असल्याचं समोर आलं.
श्रेयस ‘वेलकम टू जंगल’ चित्रपटाचं चित्रीकरण होता. गुरुवारी त्याने संपूर्ण दिवसभर चित्रपटाचं शूटिंग केलं. शूटिंगदरम्यान सेटवर मात्र त्याला कोणताच त्रास झाला नाही. शूटिंग संपवून घरी परतल्यानंतर अभिनेत्याला अस्वस्थ वाटू लागले. त्याने लगेचच त्याच्या पत्नीला याबाबत सांगितले. त्यानंतर अभिनेत्याच्या पत्नीने लगेचचं श्रेयसला रुग्णायालयत नेलं. रुग्णालयात नेतानाही श्रेयसला चक्कर आली. तात्काळ उपचार केल्याने त्याची प्रकृती ठीक असल्याचं समोर आलं आहे.
आणखी वाचा – श्रेयस तळपदेला हृदयविकाराचा झटका, रुग्णालयात दाखल, आता कशी आहे प्रकृती?
श्रेयसच्या प्रकृतीबाबत त्याची पत्नी दीप्ती तळपदे हिने सोशल मीडियाच्या माध्यमातून माहिती शेअर केली आहे. दीप्ती म्हणाली, “माझ्या पतीची तब्येत बिघडल्यानंतर तुम्ही दाखवलेली काळजी, प्रेम आणि प्रार्थना याबाबत मी तुमची आभारी आहे. आता मी तुम्हाला सांगू इच्छिते की, आता त्याची तब्येत स्थिर आहे. काही दिवसांमध्येच त्याला रुग्णालयामधून घरी आणण्यात येईल. या संपूर्ण काळामध्ये वैद्यकिय यंत्रणांनी दिलेला प्रतिसाद तसेच त्यांची घेतलेली काळजी महत्त्वपूर्ण ठरली. तुम्ही आमच्या गोपनीयतेचा आदर करावा. तुमच्या पाठिंब्यामुळे आम्हा दोघांना संकटाशी सामना करायचं बळ मिळत आहे” असं म्हणत तिने चाहत्यांचे आभार मानले.
