बॉलिवूडमधील रोमँटिक कपल म्हणून शाहिद कपूर व मीरा राजपूत यांचं नाव आवर्जून घेतलं जातं. मीरा व शाहिद यांनी २०१५ साली लग्न केले. त्यानंतर २०१७ मध्ये, या जोडप्याने मुलगी मीशा हिचे पहिले अपत्य म्हणून स्वागत केले. मुलीच्या जन्माच्या सात वर्षांनंतर मीराने तिच्या पहिल्या गरोदरपणाबद्दल धक्कादायक खुलासा केला आहे. तिने एका मुलाखतीदरम्यान सांगितले की, जेव्हा ती २१व्या वर्षी गरोदर राहिली तेव्हा तिचा जवळजवळ ‘गर्भपात’ झाला होता. शाहिद कपूरची पत्नी मीरा राजपूतने खुलासा केला की, जेव्हा ती पहिल्या मुलाची अपेक्षा करत होती तेव्हा तिचा गर्भपात झाला. मीराने सांगितले की, जेव्हा ती चार महिन्यांची गरोदर होती, तेव्हा तिच्या गर्भाशयाचा इतका विस्तार झाला होता की सोनोग्राम पाहून तिचे डॉक्टर काळजीत पडले आणि गर्भपात होऊ नये म्हणून तिला पूर्ण विश्रांती घेण्यास सांगितले. तिने अडीच महिने हॉस्पिटलमध्ये राहिल्याचेही सूचित केले. (Mira Rajput Miscarriage)
मीरा तिच्या पहिल्या गरोदरपणात फक्त २१ वर्षांची होती. मीराने प्रखर गुप्ता यांच्या पॉडकास्टवर तिच्या पहिल्या गरोदरपणातील अडचणी आणि तिचे पहिले मूल कसे गमावले याबद्दल सांगितले. याबाबत बोलताना मीरा म्हणाली, “अनेकांना हे माहीत नाही, पण जेव्हा मी पहिल्यांदा गरोदर होते, तेव्हा ती माझी पहिली गर्भधारणा होती. त्यावेळी मी २१-२० वर्षांची होते. असं असलं तरी, मी निरोगी होते आणि मी खूप तंदुरुस्त होते. मी माझ्या आयुष्यातील सर्वोत्तम वेळी मुलांना जन्म देत होते. यापेक्षा वाईट काय असू शकते की मी चार महिन्यांची गरोदर असताना माझा गर्भपात होणार होता. त्यानंतर मी सोनोग्राफी करुन घेतली आणि डॉक्टरांनी मला आराम करण्यास सांगितले.
सोनोग्राफीचा दिवस आठवत मीरा म्हणाली की, डॉक्टर व शाहिदच्या चेहऱ्यावर काळजी होती. ती म्हणाली, “सामान्यपणे, जेव्हा जोडपी सोनोग्राफीसाठी जातात आणि परत येतात आणि ते एकमेकांशी बोलतात. पण माझ्या बाबतीत सर्वकाही वेगळे होते. शाहिद मला म्हणाला, “मला तुझ्याशी बोलायचं आहे पण तू बसू शकत नाहीस”. कृपया झोप असा सल्ला त्याने मला दिला. माझं पोट खूप पसरलं होतं आणि मी चार महिन्यांची गरोदर होते. त्यावेळी शाहिद म्हणाला, “तु तुझं बाळ कधीही गमावू शकतेस”.
मीराने पुढे सांगितले की, तिला रुग्णालयात दाखल करण्यात आले आणि अडीच महिने निरीक्षणाखाली ठेवण्यात आले. याचा तिच्या मानसिक आरोग्यावर परिणाम झाला आणि हे शाहिदच्या लक्षात आला. मीरा म्हणाली, “अडीच महिन्यांनंतर, मला तिथून बाहेर पडायचे होते, पण अंथरुणातून मी उठू शकत नव्हते. माझी ही अवस्था पाहून शाहिद माझ्या डॉक्टरांशी बोलला. आणि त्याने सांगितले की, “मी घराला हॉस्पिटलमध्ये बदलेन, सेट करेन. एक पलंग आणि सर्व काही आवश्यक वस्तू मी घेईन. मी सर्व ठीक करेन, पण मीराला घरी राहू देत”. मात्र, मीराने पुढे असेही सांगितले की, घरी आल्यानंतर तिला पुन्हा अडचणींचा सामना करावा लागला. पण नंतर सर्व काही ठीक झाले. अखेर मीराने २६ ऑगस्ट २०१७ रोजी मीशाचे स्वागत केले.
