‘सातव्या मुलीची सातवी मुलगी’ या मालिकेत मुख्य भूमिकेत असलेली अभिनेत्री तितीक्षा तावडे हिने तिच्या अभिनयाने लाखो प्रेक्षकांची मन जिंकली आहेत. या मालिकेमुळे तितीक्षाला विशेष लोकप्रियता मिळाली आहे. याशिवाय तितीक्षा चर्चेत आली ती म्हणजे तिच्या लग्नामुळे. नुकताच तितीक्षा तावडेचा शाही विवाहसोहळा संपन्न झाला आहे. तितीक्षाने अभिनेता सिद्धार्थ बोडकेसह लग्नगाठ बांधली आहे. दोघांच्याही अफेअरच्या चर्चा बऱ्याच दिवसांपासून रंगल्या होत्या, मात्र त्यांनी थेट केळवणाचे फोटो शेअर करत त्यांच्या नात्याची जाहीर कबुली दिली. (Titeeksha Tawde Maharashtrian Look)
त्यानंतर तितीक्षा व सिद्धार्थच्या शाही विवाहसोहळ्याची सर्वत्र चर्चा रंगलेली पाहायला मिळाली. अगदी थाटामाटात ही जोडी विवाहबंधनात अडकली. त्यांच्या लग्नाचेही अनेक फोटो व व्हिडीओ सोशल मीडियावर धुमाकूळ घालताना दिसले. लग्नानंतर लगेचच दोघांनीही कामाला सुरुवात केली. तितीक्षाने मालिकेतून काही दिवस ब्रेक घेतल्यानंतर पुन्हा ती मालिकेत परतली आहे. लग्नानंतर तितीक्षा तिच्या संसारात रमलेली दिसली.
अशातच तितिक्षाने तिच्या इंस्टाग्राम अकाउंटवरुन शेअर केलेल्या एका पोस्टने साऱ्यांचं लक्ष वेधून घेतलं आहे. “नुकतीच लग्न झालेली मराठी मुलगी”, असं खास कॅप्शन देत तितीक्षाने लग्नानंतरचा तिच्या लूकचा एक सुंदर असा व्हिडीओ शेअर केला आहे. यांत नव्या नवरीबाईच्या लूकने साऱ्यांचं लक्ष वेधून घेतलं आहे. निळ्या रंगाच्या काठपदरच्या साडीमधील तितीक्षाचा हा मराठमोळा लूक खूप खास दिसत आहे. तर हातात बांगड्या, गळयात मोजकेच दागिने आणि मंगळसूत्र घातलेल्या या महाराष्ट्रीयन लूकने साऱ्यांच्या नजरा वळविल्या.
तितीक्षाच्या या मराठमोळ्या लूकला चाहत्यांच्या पसंती मिळालेली पाहायला मिळत आहे. ‘तू अशी जवळी राहा’ या मालिकेमध्ये सिद्धार्थ व तितीक्षा यांनी एकत्र काम केलं होतं. मालिकेमध्ये काम करताना दोघांची ओळख झाली. त्यानंतर त्यांच्यातील मैत्रीचं रूपांतर प्रेमात झालं. आणि त्यानंतर दोघांनी लग्न केले. तितीक्षा व सिद्धार्थच्या लग्नाची बरीच चर्चा रंगलेली पहायला मिळाली.
