भोजपुरी मनोरंजन विश्वातून नुकतीच एक दु:खद बातमी समोर येत आहे. भोजपुरी अभिनेत्री संभावना सेठची आई सुषमा सेठ यांचे निधन झाले आहे. काल (२० फेब्रुवारी) रोजी त्यांचे निधन झाले आहे. संभावना यांची आई गेले काही दिवस आजारी होती आणि काल अखेर त्यांनी अखेरचा श्वास घेतला.
अभिनेत्री संभावना सेठने तिच्या सोशल मीडियाद्वारे एक पोस्ट शेअर करत आईच्या निधनाचे वृत्त जाहीर केले आहे. या पोस्टमध्ये अभिनेत्रीने असं म्हटलं आहे की,“अत्यंत जड अंतःकरणाने आम्ही एक दु:खद बातमी सांगत आहोत की, माझ्या आईचे काल (२० फेब्रुवारी) रात्री ७.३० वाजता निधन झाले. यादऱम्यान, आमच्या गोपनीयतेचा आदर करावा आणि माझ्या आईच्या आत्म्याला शांती मिळावी यासाठी प्रार्थना करावी”.
संभावनाने अनेक बॉलिवूड व भोजपुरी चित्रपटांत काम केले आहे. तसेच तिने छोट्या पडद्यावरही अनेक मालिकांमध्ये काम केले आहे. बिग बॉसच्या आठव्या सीझनमध्येही अभिनेत्री झळकली होती. अनेक सेलिब्रिटींनी संभावना सेठ यांच्या पोस्टवर कमेंट करून त्यांचे दुःख व्यक्त केले असून त्यांच्या आत्म्याला शांती मिळावी यासाठी प्रार्थना केली आहे. जॉनी लिव्हरची मुलगी जिमी लिव्हरने या पोस्टवर “दु:ख आणि प्रार्थना” असं म्हटलं आहे.
दरम्यान, संभावनाने आपल्या आईच्या निधनाचे वृत्त सांगणारी एक पोस्ट सोशल मीडियावर शेअर करताच अनेकांनी या पोस्टखाली कमेंट्सद्वारे अभिनेत्रीच्या आईला श्रद्धांजली वाहिली आहे. तसेच अनेकांनी अभिनेत्रीच्या आईच्या निधनाबद्दल दु:खही व्यक्त केलं आहे.