Saath Nibhana Saathiya Gopi Bahu : ‘स्टार प्लस’ वाहिनीवरील लोकप्रिय शो ‘साथ निभाना साथिया’ मध्ये गोपी बहूची भूमिका साकारुन लोकप्रियता मिळवणारी अभिनेत्री म्हणजे जिया मानेक. या मालिकेमुळेच जिया मानेकला खऱ्या अर्थाने ओळख मिळाली. या मालिकेत भूमिका साकारत असताना जिया या नावाने नाहीतर ती गोपी बहू म्हणूनच ओळखू लागली. जिया मानेकच्या एक्झिट नंतर मात्र तिची जागा देवोलिना भट्टाचार्जी हिने घेतली. ‘साथ निभाना साथिया’ ही मालिका जवळपास सात वर्षे सुरु होती, पण जिया मानेक या शोमध्ये गोपी बहूच्या भूमिकेत दोन वर्षे दिसली. जेव्हा जियाने साथ निभाना साथिया मालिका सोडली तेव्हा तिच्या चाहत्यांना खूप मोठा धक्का बसला.
जियाचा हा निर्णय तिच्या चाहत्यांना बिलकुल पटला नाही. जियाने हा शो सोडला तेव्हा या शोचे, निर्मात्याचे बरेच नुकसान झाले आणि त्याच वेळी तिच्या कारकीर्दीलाही याचा मोठा फटका बसला. जियाने हा शो का सोडला, या प्रश्नाचे उत्तर जाणून घ्यायला तिचा चाहतावर्ग आजही उत्सुक आहे. याबद्दल बर्याच प्रकारच्या गोष्टी बोलल्या गेल्या, परंतु फारच कमी लोकांना यामागचं सत्य माहित आहे. जियाने स्वतःच एका मुलाखतीत यामागचं कारण सांगत अनेक अफवांना पूर्णविराम दिला.
जियाने ‘साथ निभाना साथिया’ मालिकेला डान्स रिऍलिटी शो ‘झलक दिखलाजा’मुळे रामराम केला. जियाने एका मुलाखतीत सांगितले होते की, सुसंस्कृत सूनेची भूमिका साकारण्यास ती आता थकली आहे. अशा परिस्थितीत तिने यशाच्या शिखरावर असताना मालिका सोडून ‘झलक दिखलाजाा’मध्ये भाग घेण्याचा धोका पत्करला. अभिनेत्रीने सांगितले की निर्मात्यांना त्यांनी हा कार्यक्रम सोडावा अशी इच्छा नव्हती आणि त्यांनी तिला पटवून देण्याचा प्रयत्नही केला.
आणखी वाचा – “राज ठाकरे मुख्यमंत्री झाले तर…”, तेजस्विनी पंडितच भाष्य, म्हणाली, “स्वतःच्या कुटुंबापेक्षाही…”
मालिका सोडण्याच्या या निर्णयाबाबत जिया मानेक ठाम राहिली आणि ‘झलक दिखलाजाा’चा एक भाग बनली. शोमध्ये तिने उत्कृष्ट कामगिरी केली, मात्र नंतर ती अपात्र ठरली. त्यानंतर ‘जिया जीनी और जुजू’, ‘मनमोहिनी’, ‘तेरा मेरा साथ रहे’ यांसारख्या शोमध्ये दिसली पण ती गोपी बहूसारखी जादू या मालिकांमधून निर्माण करु शकली नाही.
