rocky jaiswal hina khan : टीव्ही उद्योगातील लोकप्रिय जोडीपैकी एक म्हणजे हिना खान आणि रॉकी जयस्वाल. हिनाने तिचा बॉयफ्रेंड रॉकी जयस्वालसह लग्नगाठ बांधत साऱ्यांना सुखद धक्का दिला. त्यांनी अगदी मोजक्या लोकांच्या उपस्थितीत आणि साधेपणाने लग्न केले. हिना खान आणि तिचा नवरा रॉकी जयस्वाल दोघेही एकाच उद्योगातील आहेत, परंतु रॉकीला बर्याचदा असे म्हटले जाते की तो हिनाच्या संपत्ती आणि कीर्तीचा फायदा घेत आहे. रॉकी आणि हिना सध्या ‘पती, पत्नी आणि पंगा’ या टीव्ही शोमध्ये दिसले. या शोमधील त्यांची जोडीही प्रेक्षकांच्या बरीच पसंतीस उतरली.
रॉकी जयस्वाल एक चित्रपट निर्माता आहे, परंतु त्याच्या आणि हिनाच्या कमाईत खूप फरक आहे. हिना टीव्हीच्या सर्वाधिक पगाराच्या अभिनेत्रींपैकी एक आहे. हिनाची संपत्ती आणि कीर्ती वापरल्याच्या आरोपावर रॉकीने नुकतीच पॉडकास्टवर प्रतिक्रिया व्यक्त केली. याचबरोबर त्याने हिना खान जास्त कमावते की तो याबाबतही खुलासा केला. रॉकी जयस्वालने ‘पिंकविला’शी झालेल्या संभाषणात म्हटले आहे की, “लोक म्हणतील की मी आयुष्यात काहीतरी साध्य करण्यासाठी हिनाची स्थिती, संपत्ती वापरली आहे. ती कुठून येते? आयुष्यात मी जे साध्य केले आहे ते साध्य करु इच्छित असलेल्या लोकांच्या इच्छेनुसार ही येते”.
रॉकी पुढे म्हणाला, “मी प्रामाणिकपणे सांगेन की मी जितके पैसे कमावत आहे ते अर्थात हिना इतके नाही आहेत. ती स्वतःच एक स्टार आहे. हिना एक स्टार असल्याचा मला फायदा आहे का? हो. नक्कीच. आम्ही त्या कारणास्तव एकत्र आहोत? तर नाही, मुळीच नाही”. नेट वर्थबद्दल बोलताना रॉकी जयस्वाल म्हणाला, त्याची नेटवर्थ ६ ते १० कोटी रुपये आहे. तो एक व्यावसायिक देखील आहे. त्याच वेळी, हिनाची निव्वळ संपत्ती ५० कोटी रुपये असल्याचे म्हटले जाते. रॉकी आणि हिना यांना ‘पती पत्नी और पंगा’ साठी चांगली फी मिळत आहे.
रॉकी जयस्वाल पुन्हा म्हणाला की, हिनाच्या कमाईने वा प्रसिद्धीने त्याला जराही असुरक्षित वाटत नाही. मला माहित आहे की जर मी हिना खानबरोबर कुठेतरी जात असेल तर तिला अधिक विचारले जाईल. प्रत्येक मार्गाने त्यांना लोकांचा प्रतिसाद आणि प्रेम मिळेल. मी यावर का रागावले पाहिजे? मी का असुरक्षित होऊ? या सर्व गोष्टींपेक्षा जास्त मला त्या व्यक्तीवर प्रेम आहे. मला माहित आहे की एकत्र चांगला वेळ घालवणे माझ्यासाठी अधिक महत्वाचे आहे.
रॉकी जयस्वाल आणि हिना खान यांच्या प्रेमकथेबद्दल बोलायचे झाले तर ‘ये रिश्ता क्या केहलता है’च्या सेटवर त्यांची लव्हस्टोरी सुरु झाली. दोघेही त्याच शोच्या सेटवर प्रथमच भेटले. हिना खान ‘ये रिश्ता …’ मधील मुख्य अभिनेत्री होती आणि रॉकी शोचा सुपरवाइजिंग प्रोड्यूसर होता. हिना आणि रॉकीची मैत्री प्रेमात बदलली आणि दोघांनी डेटिंग करण्यास सुरुवात केली. त्यांनी ४ जून २०२५ रोजी अत्यंत साधेपणाने लग्न केले. जेव्हा हिनाला कर्करोगाचे निदान झाले तेव्हा त्यांचे संपूर्ण जग बदलले, परंतु रॉकीने तिला सोडले नाही आणि दिवसरात्र तो तिची काळजी घेताना दिसला.
