Vilasrao Deshmukh death anniversary : महाराष्ट्राचे दिवंगत माझी मुख्यमंत्री विलासराव देशमुख यांचा आज स्मृतिदिन आहे. त्यांच्या पुण्यतिथीनिमित्त आठवणीत अभिनेता रितेश देशमुख आणि अभिनेत्री जिनिलिया देशमुखने खास फोटो शेअर करत पोस्ट लिहिली आहे. रितेश व जिनिलिया दोघेही पोस्ट शेअर करत भावुक झाले आहेत. रितेश व जिनिलिया शोधलं मीडियावर बऱ्यापैकी सक्रिय असतात. नेहमीच ते काही ना काही शेअर करत चाहत्यांच्या संपर्कात राहतात. सोशल मीडियावर त्यांचे व्हिडीओ पाहून नेहमीच त्यांचं कौतुक होतं. याचबरोबर रितेश-जिनिलियाच्या मुलांचं म्हणजे राहील आणि रियान यांच्या संस्कारांचंही कौतुक होतं.
वडिलांची आठवण शेअर करत रितेशने इंस्टाग्रामवर एक पोस्ट शेअर केली आहे. यामध्ये त्यांची दोन्ही मुलं राहील आणि रियान आजोबांच्या फोटोसमोर नतमस्तक होताना दिसत आहेत. हात जोडून आजोबांना नमस्कार करतानाचा फोटो रितेशने शेअर करत “आजोबा, आमचं तुझ्यावर खूप प्रेम आहे. विलासराव देशमुख स्मृतिदिन”, असं कॅप्शन या फोटोला दिलं आहे. रितेशच्या दोन्ही मुलांचे फोटो पाहून त्यांच्या संस्कारांचं भरभरुन कौतुक होताना पाहायला मिळत आहे.
विलासराव देशमुख यांच्या जवळ रितेश आणि जिनिलिया दोघेही होते. रितेशचा त्याच्या वडिलांबरोबरचा बॉण्ड खूप खास होता, तर जिनिलियालाही ते सून नाही तर मुलगीच मानायचे. वडिलांच्या परवानगीने रितेशने राजकारण क्षेत्र न निवडता अभिनय क्षेत्राची निवड केली. आपलं या क्षेत्रात काही झालं नाही तर आपल्या वडिलांना लोक नाव ठेवतील याची भीती त्याच्या मनात होती. मात्र ही भीती त्याने जेव्हा विलासराव यांना बोलून दाखविली तेव्हा त्यांनी रितेशला एक सल्ला दिला.
“माझ्या नावाची मी काळजी घेतो, तुझ्या नावाची तू घे”, असा सल्ला त्यांनी लेकाला दिला. आणि या एका सल्ल्याचा जोरावर रितेशने अथक मेहनत करत सिनेविश्वात आपलं नाव कमावलं. याचबरोबर जिनिलियानेही तिचं असं स्वतःच स्थान निर्माण केलं. रितेश व जिनिलिया ही सिनेविश्वातील लोकप्रिय जोडी आहे. महाराष्ट्राचे लाडके दादा-वाहिनी अशी त्यांची ओळख आहे.
