हिंदी मनोरंजन विश्वासह मराठी कलाविश्व गाजवणारी सर्वांचीच आवडती जोडी म्हणजे अभिनेता रितेश देशमुख व अभिनेत्री जिनिलिया देशमुख. मराठीमधील एक आदर्श जोडपं म्हणून रितेश व जिनीलिया यांना ओळखले जाते. तसेच त्यांच्यातील नवरा-बायकोचा बॉण्ड हा नेहमीच खास असल्याचे येते. मनोरंजन सृष्टीत कायम चर्चेत असणारी ही जोडी सोशल मीडियावरदेखील तितकीच सक्रिय असते.
रितेश-जिनीलिया नेहमीच एकमेकांबरोबरचे अनेक रील-व्हिडीओ शेअर करत चाहत्यांच्या संपर्कात राहत असतात आणि त्यांचे हे व्हिडीओ चाहत्यांनादेखील भलतेच आवडतात. अशातच रितेश-जिनीलिया यांनी एक खास व्हिडीओ शेअर केला आहे. या व्हिडीओची सध्या सोशल मीडियावर चांगलीच चर्चा सुरु आहे. नुकत्याच लोकसभा निवडणुका पार पडल्या असून या निवडणुकीचे निकालही समोर आले आहेत.
आणखी वाचा – Video : कुशल बद्रिकेने शेअर केला बायकोचा रियाज करतानाचा व्हिडीओ, म्हणाला, “मी मध्ये काही बोललो तर…”
याच पार्श्वभूमीवर रितेश व जिनीलिया यांनी त्यांच्या सोशल मीडियाद्वारे खास व्हिडीओ शेअर केला आहे. यामध्ये रितेश जिनीलियाला “तुम्हाला काय वाटतं? यावेळी निवडणूक कोण जिंकणार?” असा प्रश्न विचारतो. यावर जिनीलियाही तिच्या खास अंदाजात उत्तर देते. रितेशच्या प्रश्नाला उत्तर देत जिनीलिया असं म्हणते की, “सरकार कुणाचंही येऊदे, तुमच्यावर तर नेहमीच माझेच राज्य असणार”. बायकोचे हे उत्तर ऐकताच रितेशच्या चेहऱ्यावरचा रंगच उडतो. या खास व्हिडीओबरोबरच रितेशने या व्हिडीओच्या खाली कॅप्शनमध्ये असं लिहिलं आहे की, “अब की बार नही, हर बार बिवी की सरकार”.
आणखी वाचा – अखेर बाप-लेकाची भेट झाली, अमोलला भेटताच अर्जुन भावुक, कडकडून मिठी मारताच रडू लागला अन्…
दरम्यान, रितेश व जिनीलिया यांचा हा मजेशीर व्हिडीओ सध्या सोशल मीडियावर चंगलाच व्हायरल होत असून या व्हिडीओला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. या व्हिडीओखाली चाहत्यांनी “खरी गृहमंत्री”, “घरातील होम मिनिस्टर”, “अब की बार, जिनीलिया सरकार” अशा अनेक कमेंट्स करत व्हिडीओला तूफान प्रतिसाद दिला आहे.