Rasika Wakharkar Wedding : मराठी टेलिव्हिजन विश्वात आपल्या सहज अभिनयाने प्रेक्षकांची मनं जिंकणारी अभिनेत्री रसिका वाखारकर अखेर वैवाहिक आयुष्यात पदार्पण करताना दिसत आहे. काही दिवसांपासून रसिकाच्या लग्नाबाबत चर्चा सुरू होती आणि अखेर आज ती तिच्या आयुष्याच्या नव्या प्रवासाला सुरुवात करत लग्नबंधनात अडकली आहे. रसिकाच्या लग्नसोहळ्यात अभिनेते अशोक सराफ आणि अभिनेत्री निवेदिता सराफ यांची देखील उपस्थिती पाहायला मिळावी.
रसिकाने तिच्या लग्नाचे क्षण सोशल मीडियाच्या माध्यमातून चाहत्यांपर्यंत पोहोचवले. लग्नापूर्वी तिने काऊंटडाऊन पोस्ट शेअर करत चाहत्यांमध्ये उत्सुकता वाढवली होती. अखेर ती शुभांकर उंब्राणी यांच्यासोबत विवाहबंधनात अडकली आहे. लग्नसोहळ्यासाठी रसिकाने पारंपरिक हिरव्या रंगाची नऊवारी साडी परिधान केली होती. तिचा साधा पण उठावदार लूक चाहत्यांच्या विशेष पसंतीस उतरला. तर शुभांकरने पांढऱ्या रंगाचा कुर्ता आणि हिरव्या रंगाचं उपरणं घेत पारंपरिक वेशात दिसला. दोघांचे लग्नातील फोटो आणि व्हिडीओ सोशल मीडियावर मोठ्या प्रमाणात व्हायरल होत आहे, कमेंट्समध्ये चाहत्यांसह कलाकार मित्रमंडळी ही शुभेच्छांचा वर्षाव करत आहेत. (Rasika Wakharkar Wedding)
दोन दिवसांपूर्वी तिची ग्रहमुख विधी पार पाडली. त्यानंतर हळदी समारंभासाठी तिने पिवळ्या रंगाची साडी नेसली होती. या सगळ्या विधींचे खास क्षण रसिकाने सोशल मीडियावर शेअर केले होते, ज्याला चाहत्यांकडून मोठा प्रतिसाद मिळाला. अभिनयाच्या बाबतीत बोलायचं झालं, तर ‘पिरतीचा वणवा उरी पेटला’ या मालिकेमुळे रसिका घराघरात पोहोचली. त्यानंतर ‘अशोक मा.मा’ या मालिकेतही तिने महत्त्वाची भूमिका साकारली होती. नुकतीच ही मालिकेने प्रेक्षकांचा निरोप घेतला आहे. (Rasika Wakharkar Wedding)
आणखी वाचा – मुलगा झाला हो! ‘साधी माणसं’ फेम अभिनेता झाला बाबा; चाहत्यांकडून भरभरुन शुभेच्छांचा वर्षाव
