अभिनेत्री रश्मिका मंदाना सध्या तिच्या आगामी ‘ऍनिमल’ या चित्रपटामुळे चर्चेत आहे. या चित्रपटात बॉलिवूड कलाकार रणबीर कपूर आणि बॉबी देओल यांच्यासह तिने स्क्रीन शेअर केली आहे. लवकरचं ‘ऍनिमल’ हा चित्रपट प्रदर्शित होणार असून चाहते त्यांच्या चित्रपटाची उत्सुकतेने वाट पाहत आहेत. येत्या १ डिसेंबरला हा चित्रपट चित्रपटगृहात प्रदर्शित होणार आहे. अशातच अभिनेत्रीच्या एका फेक व्हिडीओने सोशल मीडियावर चांगलाच धुमाकूळ घातला आहे. हा व्हिडीओ पाहून अभिनेत्रीसह अनेकांना आश्चर्याचा धक्का बसला आहे. (Rashmika Mandana Video Viral)
रश्मिका मंदानाचा फेक व्हिडीओ सध्या सर्वत्र व्हायरल झाला आहे. हा तिचा मॉर्फ केलेला व्हिडीओ पाहून यावर अमिताभ बच्चन यांनीही पोस्ट शेअर करत नाराजी व्यक्त केली आहे. व्हायरल झालेला व्हिडीओ पाहून अमिताभ बच्चन यांनी कायदेशीर कारवाईची मागणी केली आहे. या व्हायरल व्हिडीओमध्ये एक मुलगी काळ्या रंगाच्या ड्रेसमध्ये दिसत आहे. त्या मुलीचा चेहरा हुबेहुब रश्मिकासारखा आहे. या व्हिडीओमध्ये ती मुलगी लिफ्टमध्ये शिरताना दिसत आहे आणि तिने अतिशय घट्ट व बोल्ड कपडे परिधान केले आहेत.
???? There is an urgent need for a legal and regulatory framework to deal with deepfake in India.
— Abhishek (@AbhishekSay) November 5, 2023
You might have seen this viral video of actress Rashmika Mandanna on Instagram. But wait, this is a deepfake video of Zara Patel.
This thread contains the actual video. (1/3) pic.twitter.com/SidP1Xa4sT
हा बनावट व्हिडीओ अभिषेक नावाच्या एका ट्विटर अकाउंवटरून शेअर केला असून तो एडिटेड असल्याचं समोर आलं आहे. तसेच त्यांनी मुळ व्हिडीओही शेअर केला आहे. या व्हिडीओत दिसणारी मुलगी ही रश्मिका नाही तर झारा पटेल आहे. एआयचे डीपफेक तंत्रज्ञान वापरून रश्मिका मंदानाचा चेहरा झाराच्या त्या व्हिडीओवर लावण्यात आला आणि हा व्हिडीओ शेअर करण्यात आला आहे.
yes this is a strong case for legal https://t.co/wHJl7PSYPN
— Amitabh Bachchan (@SrBachchan) November 5, 2023
या व्हिडीओमध्ये खऱ्या आणि खोट्यातील फरक कळत नाही आहे, त्यामुळे व्हिडीओ पाहताक्षणी हा व्हिडीओ रश्मिकाचा आहे असंच वाटतंय. रश्मिकाच्या बनावट व्हायरल व्हिडीओवर चिंता व्यक्त करत अमिताभ बच्चन यांनी लिहिलं आहे की, “कायदेशीर दृष्टिकोनातून हे एक गंभीर प्रकरण आहे.” तसेच चाहतेही या व्हिडीओवर कायदेशीर कारवाई करण्याची मागणी करत आहेत. ‘कोणीही एखाद्याच्या फोटोचा अशा प्रकारे गैरवापर करणं वाईट आहे’, ‘असे व्हिडीओ एडीट करणाऱ्यांवर कारवाई व्हावी’, अशा कमेंट्स करत चाहत्यांनाही संताप दर्शविला आहे.
