Ram Caharn 2 Fans Died : आंध्र प्रदेशातील राजमुंद्री येथे साऊथ सुपरस्टार राम चरणच्या ‘गेम चेंजर’ चित्रपटाच्या प्री-रिलीझ कार्यक्रमाला उपस्थित राहिल्यानंतर दोन चाहत्यांचा मृत्यू झाला. ही दुर्दैवी घटना शनिवारी, ४ डिसेंबर रोजी घडली. या कार्यक्रमाला अभिनेता व उपमुख्यमंत्री पवन कल्याण देखील उपस्थित होते. या घटनेनंतर चित्रपट निर्माता दिल राजू यांनी पीडितेच्या कुटुंबीयांना १० लाख रुपयांची मदत देऊ केली आहे. वृत्तानुसार, दोन्ही चाहत्यांना पेद्दापुरम रुग्णालयात नेण्यात आले, परंतु गंभीर दुखापतीमुळे त्यांचा जीव वाचवणं अशक्य झालं. याप्रकरणी रंगमपेटा पोलिसात गुन्हा दाखल करण्यात आला आहे.
राम चरण आणि कियारा अडवाणी यांचा ‘गेम चेंजर’ १० जानेवारीला थिएटरमध्ये प्रदर्शित होणार आहे. पण त्याआधी त्याचा प्री-रिलीज इव्हेंट आयोजित करण्यात आला होता. आंध्र प्रदेशात झालेल्या या कार्यक्रमाला अभिनेत्याचे दोन चाहते आले होते. अर्वा मणिकांत (२३) आणि ठोका चरण (२२, रा. गायगोलुपाडू, काकिंडा) अशी मृत व्यक्तींची नावे आहेत.
आणखी वाचा – Video : उमेश कामतने खरेदी केली महागडी दुचाकी, पहिल्यांदाच व्लॉगही केला शूट, व्हिडीओ पाहून कौतुकाचा वर्षाव
शनिवारी ४ जानेवारीच्या रात्री कार्यक्रमाला उपस्थित राहिल्यानंतर ते दुचाकीवरुन घरी परतत असताना विरुद्ध दिशेने येणाऱ्या एका व्हॅनने त्यांना धडक दिली. या चित्रपटाच्या निर्मात्यांपैकी एक असलेल्या दिल राजूने त्यांच्या कुटुंबियांना आर्थिक मदत देऊ केली आहे. त्याच्या प्रॉडक्शन हाऊस श्री वेंकटेश्वर क्रिएशन्सच्या अधिकृत X (पूर्वीचे ट्विटर) खात्यावरील पोस्ट पाहायला मिळाली. ज्यात त्यांनी अपघाताबद्दल शोक व्यक्त करत १० लाख रुपयांची मदत जाहीर केली आणि मदतीचे आश्वासन दिले
आणखी वाचा – ‘बिग बॉस’ फेम अभिनेत्री दुसऱ्यांदा झाली आई, गोंडस मुलाला दिला जन्म, व्हिडीओद्वारे व्यक्त केला आनंद
शिवाय, दिल राजूने शोक व्यक्त करत असं म्हटलं की, “मला नुकतेच कळले की कार्यक्रमानंतर परतत असताना दोन लोकांचा दुःखद मृत्यू झाला. त्यांच्या आत्म्याला शांती लाभो आणि आम्ही दोन्ही कुटुंबांच्या पाठीशी उभे राहून त्यांना पाठिंबा देऊ अशी मी प्रार्थना करतो. मी ताबडतोब प्रत्येकी ५ लाख रुपये पाठवत आहे आणि आम्ही त्यांच्या पाठीशी उभे राहू असे आश्वासन देतो”. पवन कल्याण यांनीही पीडित कुटुंबांना प्रत्येकी ५ लाख रुपयांची आर्थिक मदत देण्याचे आश्वासन दिले आहे.
