नेहमीच चर्चेत राहणारी राखी सावंत गेल्या काही दिवसांपासून रुग्णालयात दाखल आहे. राखीच्या पोटात गाठ वाढली असून त्यावर उपचार सुरु होत्र. मात्र, जेव्हा राखीला रुग्णालयात दाखल करण्यात आले तेव्हा अनेकांनी याला पब्लिसिटी स्टंट म्हटले होते. पण राखी तिच्या तब्येतीबाबत एक महिन्याहून अधिक काळ उपचार घेत आहे. एवढेच नाही तर राखीला किडनीचा काही त्रास असून तिला हृदयविकार असल्याचेही डॉक्टरांनी निदान केले होते. आता राखी सावंतचा भाऊ राकेश सावंत याने तिच्या प्रकृतीबाबत अपडेट दिले आहेत. ज्यामुळे पुन्हा एकदा राखीच्या चाहत्यांमध्ये काळजीच वातावरण पसरलं आहे. (Rakhi Sawant Health)
राखीचा भाऊ राकेश सावंत यांच्या म्हणण्यानुसार, राखी आधीच बरी होत आहे पण डॉक्टरांनी सांगितले आहे की आणखी एक ट्यूमर तिच्या पोटात आहे, ज्याची सध्या तपासणी सुरु आहे. राकेश म्हणाले की, “डॉक्टरांनी पहिली गाठ काढली होती, त्यासाठी राखीवर मोठी शस्त्रक्रिया करावी लागली. मात्र आता आणखी एका ट्यूमरमुळे काहीसा त्रास निर्माण झाला आहे”.
तथापि, राकेशने असेही सांगितले की, सध्या राखी तीन-चार महिने बेड रेस्टवर असेल आणि ती हळूहळू तिच्या शरीरातील कमजोरीतून बरी होईल. राखीचा भाऊ राकेश सावंत याने सांगितले की, “राखी सध्या बरी आहे. डॉक्टरांच्या देखरेखीखाली एवढी मोठी शस्त्रक्रिया करुन राखी सावंत बरी होत आहे”. तो म्हणाला की, “राखी आता खूपच निरोगी आहे. म्हणजेच तिची प्रकृती सुधारत आहे आणि ती पूर्वीपेक्षा खूप बरी आहे”.
राखीच्या तब्येतीबद्दल राकेश सावंत यांनी एका मीडिया वाहिनीशी बोलताना असेही सांगितले की, “लोक राखीबद्दल सर्व प्रकारच्या अफवा पसरवत आहेत. ते तिच्याबद्दल वाईट बोलत आहेत. त्यांनी हे सर्व करु नये. सध्या राखी डॉक्टरांच्या देखरेखीखाली आहे”. ‘बिग बॉस OTT ३’ मध्ये स्पर्धक म्हणून आलेल्या अरमान मलिकच्या दोन पत्नींवर अलीकडेच राखी सावंतने टीका केली. राखीने एक व्हिडीओ जारी करत म्हटले की, “पायल खूश नाही. आपल्या देशात मुलींना लहानपणापासूनच नवऱ्याला प्रत्येक निर्णयात साथ कशी द्यायची हे शिकवले जाते. त्यामुळे ती अरमानला सपोर्ट करत आहे”.
