Google Gemini AI trend : सोशल मीडिया हे माध्यम इतकं प्रगत झालं आहे की, एखादा ट्रेंड जरा हायलाईट झाला की तो वाऱ्यासारखा पसरलाच म्हणायला हवा. सध्या सर्वत्र गुगल जेमिनीवरील एक ट्रेंड चर्चेत आला आहे. Banana Al Saree ट्रेंडने सर्वत्र धुमाकूळ घातला आहे. समस्त महिलावर्ग अगदी हा नियम असल्याप्रकारे ट्रेंड फॉलो करत ते जनरेट केलेले फोटो सोशल मीडियावर पोस्ट करत आहेत. केवळ सर्वसामान्य नागरिकच नव्हेतर अनेक कलाकार मंडळीही हा ट्रेंड आवर्जून फॉलो करताना दिसले. अनेक कलाकारांनी त्यांचे या ट्रेंडनुसार जनरेट झालेले फोटो सोशल मीडियावर शेअर केले. या ट्रेंडबाबत अभिनेता प्रथमेश परबची पत्नी क्षितिजा घोसाळकरने खास व्हिडीओ शेअर केला आहे.
Banana Al Saree ट्रेंड मधील एक फोटो क्षितिजाने व्हिडीओत वापरला असून त्या व्हिडीओद्वारे तिने म्हटलं आहे की, “कव्हर फोटोवरुन तुम्हालाही असं वाटलं असेल की, मी हा ट्रेंड फॉलो केला आहे की काय? पण माझ्या मित्रांनी माझे अनेक छान छान फोटो एडिट करुन पाठवले आहेत. त्यामुळे मला तरी हा ट्रेंड प्रचंड आवडला आहे. एखाद्या फोटोशूटसारखे कमाल फोटो या ट्रेंडमधून पाहायला मिळत आहेत. पण या ट्रेंडच्यानिमित्ताने एक किस्सा मी शेअर करणार आहे”.
आणखी वाचा – मोठी घोषणा! नाट्य आणि चित्रपटसृष्टीतील रिटायरमेंटबाबत नाना पाटेकर व्यक्त, म्हणाले, “त्या खुर्चीला चिकटून…”
यापुढे क्षितीजा म्हणाली, “मी ऑफिसवरुन घरी येण्यासाठी स्टेशनवर पोहोचले. खूप पाऊस होता. त्यामुळे थोडा वेळ रेल्वे स्टेशनवर बसले होते. तर माझ्या बाजूला दोन कॉलेजमध्ये जाणाऱ्या मुली बसल्या होत्या आणि त्यांच्यात सध्याचे ट्रेंड, फोटो, व्हिडीओ आणि ते एडिट कसं करायचे? याबद्दल गप्पा सुरु होत्या. तेवढ्यात त्यांची ट्रेन आली आणि ती पकडण्यासाठी त्या धावत गेल्या. त्यांच्या हातात एक कुरकऱ्यांचं पाकीट आणि छोटी कोल्ड्रिंक्सची बॉटल होती. दोन्ही संपलेले होतं. तर त्या जिथे बसलेल्या होत्या, तिथेच एक कचराकुंडी होती, जिथे त्या कचरा टाकू शकल्या असत्या. पण त्यांनी ते न करता प्लॅटफॉर्मवरच कचरा टाकून ट्रेन पकडून निघून गेल्या”.
यापुढे क्षितीजा सांगते, “हे सगळं बघून मला असं वाटलं की, आपण सोशल मीडियावरचे कुठलेही ट्रेंड्स फॉलो करतो, तसंच आपण काही नियम पाळले तर? म्हणजे अगदी सोपं की, कुठेही कचरा न फेकणं, वाहतुकीचे नियम पाळणे आणि कुणालाही दिलेली वेळ पाळणे किंवा आपल्यामुळे कुणाला त्रास होणार नाही, इतके साधे नियम जरी पाळले तरी खूप आहे. पण नाही… सोशल मीडियावर कुल दिसण्यासाठी आणि आपल्याला ते ट्रेंड्स आधी फॉलो करायचे आहेत”.
आणखी वाचा – ‘तू बोल ना’ गाण्यातून अनुभवायला मिळणार प्रेमाचा प्रवास, ‘मना’चे श्लोक’मधील प्रेमगीत घेतंय मनाचा ठाव
ती पुढे म्हणाली, “विचार करा, आपण सोशल मीडियावरील ट्रेंड्स ज्या वेगाने फॉलो करतो, तेवढ्याच वेगात आपण आपल्या खऱ्या आयुष्यातील सोपे सोपे नियम पाळले तर? आपल्यामुळे देशही कुठच्या कुठे जाईल. पण फरक इतकाच आहे की, सोशल मीडियावर ते व्हायरल नाहीत ना”. क्षितीजाच्या या व्हिडीओवर अनेकांनी सकारात्मक प्रतिक्रिया दिल्या आहेत.
