सिनेसृष्टीत सध्या लगीनघाई सुरु असल्याचं पाहायला मिळत आहे. अशातच लवकरच एक मराठमोळा लोकप्रिय अभिनेता विवाहबंधनात अडकणार आहे. हा अभिनेता म्हणजे प्रेक्षकांचा लाडका दगडू प्रथमेश परब. नुकताच शाही थाटामाटात प्रथमेश परबचा साखरपुडा समारंभ संपन्न झाला. जवळचे कुटुंबीय व नातेवाईकझ मित्रपरिवाराच्या उपस्थितीत हा सोहळा उरकला. ‘व्हॅलेंटाईन डे’च्या निमित्ताने प्रथमेश परब व त्याची गर्लफ्रेंड क्षितिजा घोसाळकर यांनी एक नवी सुरुवात केली. “आमचा व्हॅलेंटाईन डे असा साजरा झाला…इथून पुढे आयुष्यभराची साथ राहील” असं कॅप्शन देत प्रथमेशने साखरपपुड्याचे सुंदर फोटो सोशल मीडियावर शेअर केले. (Prathamesh Parab And Kshitija Ghosalkar)
प्रथमेशने त्याची गर्लफ्रेंड क्षितिजा घोसाळकरसह साखरपुडा उरकला आहे. गेल्या ३ वर्षांपासून प्रथमेश व क्षितिजा एकमेकांना डेट करत होते. दोघांनी त्यांच्या प्रेमाची कबुली सोशल मीडियावरुन चाहत्यांसह शेअर केली होती. तेव्हापासून त्यांच्या चाहत्यांच्या दोघांच्या लग्नाकडे नजरा लागून राहिल्या होत्या. अशातच आता दोघांनी साखरपुडा करत चाहत्यांना सुखद धक्का दिला आहे. प्रथमेश व क्षितिजाच्या साखरपुड्याचे अनेक फोटो व व्हिडीओ सोशल मीडियावरुन तुफान व्हायरल होत असून दोघांवर कौतुकाचा वर्षाव होत आहे.
प्रथमेश व क्षितिजा यांच्या साखरपुडा समारंभातील साधेपणाचंही सर्वत्र कौतुक होत आहे. याशिवाय त्यांच्या साखरपुड्यात प्रथमेशने केलेला डान्सही साऱ्यांच्या पसंतीस पडत आहे. यांत अभिनेत्याने शाहरुख खानच्या गाण्यावर ठेका धरत हटके स्टेप्स केल्या. यावेळी क्षितिजानेही प्रथमेशला साथ दिलेली पाहायला मिळाली. दोघांचा हा रोमँटिक डान्स प्रेक्षकांना विशेष भावला आहे.
साखरपुड्यासाठी अभिनेत्याने पांढऱ्या रंगाची शेरवानी, तर क्षितिजाने जांभळ्या रंगाची सुंदर अशी साडी नेसली होती. कोणताच अवाढव्य खर्च व महागडे कपडे परिधान न करता दोघांनी अत्यंत साधेपणाने त्यांचा हा समारंभ उरकला. प्रथमेश व क्षितिजा यांच्या साखरपुड्यातील अंगठीच्या खास डिझाइनने साऱ्यांचं लक्ष वेधून घेतलं. साखरपुड्यातील अंगठीमध्ये दोघांच्या नावांमधील पहिली अक्षर पाहायला मिळत आहेत. दोघांच्या अक्षराने सुरुवात झालेल्या अंगठीच्या या हटके कन्सेप्टने साऱ्यांचं लक्ष वेधून घेतलं आहे.
