लोकप्रिय मराठी अभिनेत्री स्वाती देवल हिने विविध कलाकृतींमधून प्रेक्षकांना आपलंसं केलं. ‘कुंकू’, ‘पुढचं पाऊल’ यांसारखी मालिका व ‘आम्ही सातपुते’ चित्रपटात तिने महत्त्वाची भूमिका साकारली असली. तरी, ‘झी मराठी’वरील ‘माझी तुझी रेशीमगाठ’ मालिकेमुळे ती घराघरात पोहोचली. या मालिकेत ती ‘मिनाक्षी’ हे खलनायिकेचं पात्र साकारलं होतं. मात्र, तिच्या या भूमिका प्रेक्षकांना प्रचंड आवडली होती. ती केवळ अभिनेत्री नव्हे, तर उत्तम नृत्यांगणा देखील असून तिचं स्वतःचं डान्स स्टुडिओदेखील आहे. शिवाय, सोशल मीडियावर बऱ्यापैकी सक्रिय असलेल्या स्वातीच्या डान्स व्हिडीओज व फोटोशूट्सची सतत चर्चा होत असते. (Swati Deval dance with her Mother-in-law)
अशातच स्वातीने नुकतंच इंस्टाग्रामवर एक व्हिडीओ पोस्ट केला. ज्यामध्ये ती तिच्या सासूबाईंसह थिरकताना दिसली. या व्हिडिओला तिने “आज मी म्हणू शकते. सासूबाईंना मी माझ्या तालावर नाचवलं. दोन रिहर्सल्स एकाच टेकमध्ये, सलाम हौशी एकदम. शेवटी बॉस तर बॉस असतो.”, असं कॅप्शन दिलं. तर या व्हिडिओमध्ये स्वाती व तिच्या सासूबाई एका लोकप्रिय गाण्यावर डान्स करताना दिसतात. त्याचबरोबर या व्हिडीओमध्ये स्वाती व तिच्या सासूबाईंचं उत्तम बॉण्डिंग पाहायला मिळत आहे.
हे देखील वाचा – “हे गुलाब कोणाला बरं द्यावं?”, ओंकार राऊतच्या प्रश्नावर चाहत्यांनीच दिलं उत्तर, तर शिवाली म्हणाली…
स्वातीचा हा व्हिडीओ सोशल मीडियावर व्हायरल होताच नेटकरी व चाहते यावर लाईक्स व कमेंट्स करताना दिसत आहे. याआधी अभिनेत्रीने तिच्या डान्सचे अनेक व्हिडीओ पोस्ट केले असून त्या सर्व व्हिडीओजला देखील नेटकऱ्यांनी भरभरून प्रेम दिलं आहे.
हे देखील वाचा – Video : आधी कार घेतली आता मिताली मयेकरने नवऱ्याला दिलं इतकं महागडं गिफ्ट, लाखोंच्या घरात किंमत, सिद्धार्थ म्हणतो, “अजूनही थरथरत आहे कारण…”
काही दिवसांपूर्वी स्वातीचा ‘गौराई आलिया माहेरा’ हा म्युझिक व्हिडीओ प्रेक्षकांच्या भेटीला आला होता. ज्याला चाहत्यांसह प्रेक्षकांनी चांगला प्रतिसाद दिला. सध्या ती ‘सोनी मराठी’वरील ‘राणी मी होणार’ मालिकेत महत्त्वाची भूमिका साकारताना दिसत आहे. स्वातीने प्रसिद्ध संगीत संयोजक तुषार देवलशी लग्न केलं असून या जोडीला ‘स्वराध्य’ नावाचा एक मुलगा आहे. तसेच, तिचं तिच्या सासरकडच्या मंडळींमध्ये अनेकदा उत्तम बॉण्डिंग पाहायला मिळतं.
