Pooja Sawant Siddhesh Chavan Wedding : सध्या सर्वत्र चर्चा सुरु आहे ती म्हणजे अभिनेत्री पूजा सावंतच्या लग्नाची. अगदी शाही थाटामाटात पूजा सावंतचा विवाहसोहळा संपन्न झाला. पूजाने सिद्धेश चव्हाणसह लग्नगाठ बांधली. पूजाच्या या भव्य लग्नसोहळ्याच्या फोटो, व्हिडीओने सोशल मीडियावर अक्षरशः धुमाकूळ घातला आहे. पूजा व सिद्धेश दोघांनीही त्यांच्या आयुष्यातील नव्या प्रवासास सुरुवात केली आहे. दोंघाच्या बॉलिवूड स्टाइलच्या या लग्नसोहळ्याची विशेष चर्चा रंगली. सकाळी लग्न व संध्याकाळी रिसेप्शन असा लग्नाचा घाट त्यांनी घातलेला पाहायला मिळाला.
पूजाच्या लग्नात तिच्या जवळचे नातेवाईक, कुटुंबीय व कलाकार मंडळी उपस्थित होते. पूजाच्या लग्नाला मराठी कलाकारांची मांदियाळी पाहायला मिळाली. अनेकांनी कुटुंबासह पूजाच्या लग्नात हजेरी लावली होती. पूजाच्या लग्नात कलाकार मंडळी भाव खाऊन गेलेले पाहायला मिळाले. त्यांच्याही पारंपरिक, मॉडर्न लूकने साऱ्यांचं लक्ष वेधून घेतलं होतं. तर अनेकांनी अभिनेत्रीला सोशल मीडियावरुन शुभेच्छा दिलेल्या पाहायला मिळाल्या.
पूजा व सिद्धेशच्या लग्नात गश्मीर महाजनी व त्याची पत्नी गौरी महाजनी, मृन्मयी देशपांडे, वैदेही परशुरामी, गौरी नलावडे, अंकुश चौधरी, जयवंत वाडकर, समीर चौघुले, मनवा नाईक, अभिजीत केळकर, माधव देवचक्के, सचिन पिळगांवकर, सिद्धार्थ चांदेकर या कलाकारांनी हजेरी लावली होती. तर अमोल कोल्हे त्याच्या कुटुंबियांसह तसेच सुनील बर्वे त्याच्या पत्नीसह पूजाच्या लग्नाला उपस्थित होता. इतकंच नव्हे तर, पूजाच्या खास मैत्रिणी प्रार्थना बेहेरे व तिचा पती, तसेच सुखदा खांडेकर व तिचा पती अभिजीत खांडकेकर पूजाच्या लग्नापुर्वीच्या विधींपासून अगदी लग्नापर्यंत तिच्याबरोबर होते.
आणखी वाचा – अनंत अंबानीच्या होणाऱ्या सासऱ्याची आहे इतकी संपत्ती, स्वतः करतात हे काम, एकूण कमाई आहे…
एकूणच या कलाकार मंडळींनी पूजा व सिद्धेशच्या लग्नाची शोभा वाढविली. सर्वच कलाकार यावेळी धमाल, मस्ती करताना दिसले. पूजा व सिद्धेशचा लग्नातील लूकही साऱ्यांच्या पंसतीस पडला. वरमाला घालताना दोघांचा पारंपरिक लूक खूप खास होता तर रिसेप्शन सोहळ्यासाठीची पूजाची लाल रंगाची भरजरी साडी व सिद्धेशची काळ्या रंगाची शेरवानी लक्षवेधी ठरली.