हिरवे हिरवे गार गालिचे, हरित तृणांच्या मखमालीचे,
त्या सुंदर मखमालीवरती फुलराणीही खेळत होती(phulrani new song)
बालकवींची ही प्रसिद्ध कविता साऱ्या मराठी रसिकांच्या मनाचा नेहमीच ठाव घेते. आगामी ‘फुलराणी’ या मराठी चित्रपटातून ही अजरामर कविता गीतरूपाने आपल्या भेटीला येण्यास सज्ज झाली आहे. दिग्दर्शक विश्वास जोशी दिग्दर्शित ‘फुलराणी’ आपल्यासमोर आणली असून या ‘फुलराणी’ चा अनोखा अंदाज २२ मार्चला रसिक प्रेक्षकांना अनुभवायला मिळणार आहे. या चित्रपटातील ‘विक्रम राजाध्यक्ष’ ही भूमिका अभिनेता सुबोध भावे तर कोळी आगरी ठसकेबाज अशी ‘शेवंता’च्या भूमिकेत अभिनेत्री प्रियदर्शनी इंदलकर पाहायला मिळणार आहे. (phulrani new song)
संगीतकार निलेश मोहरीर यांनी या कवितेला संगीत दिले असून गायक हृषिकेश रानडे आणि गायिका वैशाली सामंत यांच्या सुमधुर स्वरांनी या गाण्याला चारचाँद लागले आहे. गायक आणि गायिकेच्या अशा दोन्ही रूपात हे गीत ऐकता येणार आहे. ‘फिनक्राफ्ट मिडिया’ ‘अमृता फिल्म्स’ आणि ‘थर्ड एस एंटरटेन्मेंट’ने ‘फुलराणी… अविस्मरणीय प्रेम कहाणी’ या चित्रपटाची प्रस्तुती केली असून विश्वास जोशी, अमृता राव, श्वेता बापट चित्रपटाचे प्रस्तुतकर्ते आहेत. जाई जोशी, श्री.ए.राव, स्वानंद केळकर हे या चित्रपटाचे निर्माते आहेत.
====
हे देखील वाचा – ‘मी आणि निखिल खूप….’निखिल आणि स्नेहलच्या अफेरच्या चर्चांवर अखेर स्नेहल शिदमचं स्पष्टीकरण
====
या कलाकृतीचे लेखन विश्वास जोशी व गुरु ठाकूर यांनी केले असून चित्रपटातील गीते बालकवी, गुरु ठाकूर, मंदार चोळकर यांची आहेत. तर चित्रपटाला संगीत निलेश मोहरीर आणि वरुण लिखाते यांनी दिले आहे. पार्श्वसंगीताची धुरा आदित्य बेडेकर याने सांभाळली आहे. अवधूत गुप्ते, वैशाली सामंत, स्वप्नील बांदोडकर, प्रियंका बर्वे, हृषिकेश रानडे, आनंदी जोशी, शरयू दाते यांचा स्वरसाज चित्रपटातील गाण्यांना लाभला आहे. छायांकन केदार गायकवाड तर संकलन गुरु पाटील आणि महेश किल्लेकर यांचे आहे. असोशिएट दिग्दर्शक म्हणून उत्कर्ष शिंदे तर मुख्य सहाय्यक दिग्दर्शक संतोष वाडेकर याने बाजू सांभाळली आहे.
२२ मार्चला संपूर्ण महाराष्ट्रात ‘फुलराणी’ चित्रपट प्रदर्शित होण्यास सज्ज झाला आहे.(phulrani new song)
