Kajol Troll : महाराष्ट्रात, विशेषत: मुंबईत मराठी व हिंदी भाषेचा वाद काही दिवसांपासून सुरु असलेला पाहायला मिळत आहे. शेवटच्या दिवसांत मुंबईतील अनेक हिंदी भाषिकांना मराठी बोलण्याची जबरदस्ती करण्यात आली, या प्रकरणावरून अनेक मारहाणीच्या घटनाही घडल्या. अनेक कलाकारांनी हिंदी आणि मराठी भाषेवरही प्रतिक्रिया व्यक्त केली. अशातच आता अभिनेत्री काजोलचा एक व्हिडीओ सोशल मीडियावर तुफान व्हायरल होत आहे. या व्हिडीओमध्ये काजोल मराठीत बोलत आहे. जेव्हा तिला हिंदीमध्ये बोलण्यास सांगितले गेले तेव्हा काजोलने नकार दिला. यानंतर, मात्र तिला ट्रोलिंगचा सामना करावा लागला.
नुकत्याच दिलेल्या मुलाखतीत काजोलने मराठीत उत्तर दिले. जेव्हा पापराजींनी तिला हिंदीमध्ये बोलण्यास सांगितले तेव्हा तिला थोडा राग आला. ती भडकून म्हणाली, “आता मी हिंदीमध्ये बोलू का?. ज्याला जे समजायचंय ते समजू देत”. काजोलचे हे बोलणं अनेकांना खटकलं. अर्थात काजोल तिच्या मुद्द्यावर योग्य होती की, ६० आणि ६१ व्या महाराष्ट्र राज्य मराठी चित्रपट पुरस्कार सोहळ्यात काजोलच मराठी बोलणं अगदी साहजिक होतं.
आणखी वाचा – अस्खलित मराठी बोलली, आईची साडी नेसून पुरस्कार स्वीकारला आणि…; वाढदिवसादिवशी काजोल भावुक, म्हणाली, “माझी आई…”
दरम्यान, काजोलच्या या वृत्तीमुळे नेटकरी खूष नाहीत. काही नेटकऱ्यांनी असेही म्हटले आहे की, “आपण मराठीमध्ये चित्रपट देखील तयार केले पाहिजेत. बॉलिवूड हिंदीमध्ये का करत आहात मग, फक्त मराठी करा”. एका वापरकर्त्याने आवाहन केले की, “सर्व हिंदी बोलणार्या लोकांनी त्यांचे चित्रपट पाहणे थांबवावे, तेव्हाच त्यांना कळेल”. त्याच वेळी, एका नेटकऱ्याने काजोलला सांगितले की, “तुम्हाला हिंदी प्रेक्षकांनीच घडवलं आहे”.
काजोल सध्या ओटीटीवरील ‘सरजमीन’ नावाच्या चित्रपटात दिसत आहे. यामध्ये, दाक्षिणात्य अभिनेता पृथ्वीराज सुकुमारन तिच्याबरोबर दिसला. यापूर्वी तिचा ‘माँ’ हा चित्रपट प्रदर्शित झाला होता.
