New Marathi Movie Announcement : प्रेमाची परिभाषा ही प्रत्येकासाठी निराळी असते. प्रेमाला कोणतेही बंधन नसते, कोणत्याही सीमा नसतात. वय, जात, रूप, किंवा स्वरूप याची अडचण नसते. दोन जिवलगांमधील सुंदर बंधन म्हणजे प्रेम. आणि प्रेमाचे अनेक रूप घेऊन नेहमीच आशयघन असे मराठी चित्रपट रसिक प्रेक्षकांच्या मनावर राज्य करायला येत असतात. अशातच भर घालत एक अशक्यप्राय प्रेमकथा चित्रपट रसिकांना अनुभवायला मिळणार आहे. ‘माझी प्रारतना – अकल्पनीय प्रेमकथा’ असे या चित्रपटाचे नाव आहे. लेखक व दिग्दर्शक पद्माराज राजगोपाल नायर यांचा हा नवा मराठी चित्रपट, प्रेमाच्या तीव्र भावनांना समोर आणणारा आहे, जो तुमच्या हृदयाला हादरवून टाकेल.
ब्रिटिश काळात महाराष्ट्रातील ग्रामीण भागात घडणारी ही संगीतप्रधान कथा आहे, जी प्रेम, विश्वासघात आणि जगण्याच्या जिद्दीचा अद्भुत प्रवास मांडणार आहे. ही प्रेमकथा इतकी ताकदीची आणि हृदयस्पर्शी आहे की, वादळासारखी प्रत्येकाच्या मनावर आदळेल. आयुष्यात कितीही दुःख असली तरी प्रेम अंतिम सत्य असते, आणि हा मन हेलावून टाकणारा प्रवास या चित्रपटात पाहायला मिळणार आहे. प्रेम हीच सर्वकाही जिंकण्याची खरी ताकद आहे, याचे हुबेहूब वर्णन या चित्रपटात करण्यात आले आहे.
‘माझी प्रारतना – अकल्पनीय प्रेमकथा’ हा चित्रपट ९ मे २०२५ रोजी चित्रपटगृहांमध्ये प्रदर्शित होणार आहे. या चित्रपटात पद्माराज राजगोपाल नायर आणि अनुषा अडेप मुख्य भूमिका साकारत आहेत, तसेच मराठीतील अनेक दिग्गज कलाकार देखील या चित्रपटात झळकणार आहेत. एस आर एम फिल्म स्कूल प्रस्तुत, पद्माराज नायर फिल्म्स निर्मित या चित्रपटाचे लेखन व दिग्दर्शन पद्माराज राजगोपाल नायर यांनी केले आहे, तर संगीत विश्वजित सी टी यांनी दिले आहे. चित्रपटाबद्दल अधिक माहिती सध्या गुलदस्त्यात असली तरी लवकरच टीझर आणि ट्रेलर प्रदर्शित केला जाणार आहे.
आणखी वाचा – “औरंगजेब उत्तम प्रशासक” म्हणणाऱ्या अबू आझमींना हत्तीच्या पायदळी तुडवण्याची गरज?
चित्रपटाचा पहिलं पोस्टर समोर आल्यानंतर प्रेक्षकांच्या उत्कंठेने उच्चांक गाठला आहे, आणि ‘माझी प्रारतना – अकल्पनीय प्रेमकथा’ हा चित्रपट प्रेक्षकांच्या हृदयाला स्पर्श करणारा असल्याचं दिसत आहे. चित्रपटाचे हे पोस्टर पाहून नक्कीच प्रेक्षकांचा उत्साह शिगेला पोहोचला आहे यांत शंका नाही.
