Anant Ambani-Radhika Merchant Pre Wedding : लग्न म्हटलं की धमाल, मजा, मस्ती ही आलीच. अगदी गरीबातला गरीबदेखील लग्नात त्याची सर्व हौसमौज पूर्ण करत असतो आणि श्रीमंतातला श्रीमंत माणूसही अगदी अगदी थाटात लग्न पार पाडतो. गेले काही दिवस सध्या सोशल मीडियावर एकाच लग्नाची जोरदार चर्चा सुरु आहे ती म्हणजे अनंत अंबानी वव राधिका मर्चंट यांच्या लग्नाची. यामुळे अंबानी कुटुंबात सध्या आनंदाचं व उत्साहाचं वातावरण आहे.
लग्नाच्या काही दिवस आधी जामनगरध्ये प्री-वेडिंग फंक्शन्सचे आयोजन केले गेले आहे. १ ते ३ मार्चपर्यंत या प्री-वेडिंग फंक्शन्सचे आयोजन करण्यात आले आहे. अनंत व राधिकाच्या लग्नाआधीच्या प्री-वेडिंग फंक्शन्ससाठी देश-विदेशातील अनेक दिग्गज व मान्यवर मंडळी जामनगरमध्ये पोहोचली आहेत. तसेच या भव्य कार्यक्रमात अनेक देश-विदेशातील अनेक कलाकार मंडळीही आपली कला दाखवण्यासाठी सज्ज आहेत.
या भव्य कार्यक्रमात या एक खास सादरीकरण असणार आहे आणि हे सादरीकरण दुसऱ्या तिसऱ्या कुणाचे नसून नवरदेवाचे पालक म्हणजेच मुकेश अंबानी व नीता अंबानी यांचे असणार आहेत. अनंत अंबानी व राधिका मर्चंट यांच्या प्री-वेडिंग फंक्शनमध्ये मुकेश व नीता अंबानी एक डान्स करणार आहेत. या डान्सच्या रिहर्सलचा एक व्हिडीओ सध्या सोशल मीडियावर मोठ्या प्रमाणात व्हायरल होत आहे.
या व्हिडीओमध्ये मुकेश व नीता अंबानी डान्सची तयारी करताना दिसत आहेत. राज कपूर व नर्गिस यांच्या ‘प्यार हुआ इकरार हुआ है’ या लोकप्रिय गाण्यावर मुकेश व नीता अंबानी लिप-सिंक व डान्स कारट असल्याचे पाहायला मिळत आहे. तसेच यावेळी मुकेश व नीता अंबानी यांनी खास लूक केल्याचेही पाहायला मिळत आहे. यावेळी मुकेश यांनी काळ्या रंगाचा सूट तर नीता यांनी खास साडीही परिधान केली आहे.
मुकेश व नीता अंबानी यांचा हा रोमॅंटिक डान्स चा व्हिडीओ सध्या सोशल मीडियावर व्हायरल होत असून या व्हिडीओला नेटकऱ्यांनी लाईक्स व कमेंट्सद्वारे चांगलाच प्रतिसाद दिला आहे. दरम्यान, मुकेश अंबानींनी अन्नदान केल्याचा व्हिडीओदेखील सध्या सोशल मीडियावर चांगलाच व्हायरल होत आहे. दरम्यान, या प्री-वेडिंगनंतर येत्या १२ जुलैला या दोघांचा मुंबईत शाही विवाहसोहळा पार पडणार आहे.
