मराठी सिनेसृष्टीतील सुप्रसिद्ध संगीतकार, गायक, दिग्दर्शक अवधूत गुप्तेवर दुःखाचा डोंगर कोसळला आहे. अवधूत गुप्तेच्या आईचं निधन झाली असल्याची बातमी समोर येत आहे. प्रकृती ठीक नसल्याने त्यांच्यावर रुग्णालयात उपचार सुरु होते. मुंबईच्या व्होकार्ट रुग्णालयात अवधूतच्या आईवर उपचार सुरु होते. मात्र उपचारादरम्यान त्यांनी अखेरचा श्वास घेतला असल्याचं समोर आलं. अंत्यदर्शनानंतर दौलतनगर स्मशानभूमी, बोरिवली पूर्व येथे अंत्यसंस्कार होणार आहेत. (Avdhoot gupte mother passed away)
मराठी सिनेसृष्टीतील प्रसिद्ध गायक अवधूत गुप्ते ‘खुपते तिथे गुप्ते’ या नव्या कार्यक्रमामुळे चर्चेत आला. मराठीतील प्रसिद्ध गायक, संगीत दिग्दर्शक, दिग्दर्शक, निर्माता म्हणून त्याला ओळखही मिळाली. त्याने त्याच्या गाण्याने सिनेसृष्टीत एक वेगळीच ओळख निर्माण केली आहे. अवधूतची आई मृदगंधा गुप्ते यांच्या निधनाने गुप्ते कुटुंबावर शोककळा पसरली आहे.
अवधूतच्या आईच्या निधनाची बातमी समोर येताच मराठी सिनेविश्वातून त्याच्या आईसाठी श्रद्धांजली वाहिली जात आहे. अवधूत गुप्तेचं जुनं घर बोरिवली येथील श्रीकृष्ण नगर परिसरात आहे. तर त्याच्या याच घरी त्याच्या आईचं पार्थिव नेण्यात येणार आहे. मृदगंधा गुप्ते या काही दिवसांपासून आजारी असल्याचं समोर आलं होतं आणि त्यानंतर त्यांना उपचारासाठी रुग्णालयात ठेवण्यात आलं. मात्र उपचारादरम्यानचं त्यांनी अखेरचा श्वास घेतला.
