छोट्या पडद्यावरील लोकप्रिय अभिनेत्री स्पृहा जोशी हिने आजवर तिच्या अभिनयशैलीने प्रेक्षकांच्या मनावर राज्य केलं आहे. इतकंच नव्हे तर अभिनेत्रीसह स्पृहा उत्तम कवियित्री देखील आहे. स्पृहाने आजवर विविध भूमिका साकारत प्रेक्षकांच्या मनावर राज्य केलं आहे. सोशल मीडियावरही स्पृहा नेहमीच सक्रिय असते. सोशल मीडियावरून काही ना काही खास शेअर करत ती चाहत्यांच्या संपर्कात राहत असते. तसेच वैयक्तिक आयुष्याबद्दलही ती नेहमीच काही ना काही पोस्ट करत असते. (Spruha Joshi Husband Birthday)
अशातच स्पृहाचा पती वरद लघाटेचा वाढदिवस होता. या वाढदिवसानिमित्त तिने एक पोस्ट शेअर केली आहे. नवऱ्याच्या वाढदिवसानिमित्त स्पृहाची पोस्ट लक्षवेधी ठरत आहे. “वाढदिवसाच्या शुभेच्छा जोडीदार. मला माहित आहे की माझ्याशी सामना करणे सोपे नाही. पण त्यातूनच आपली मैत्री फुलते. मी तुम्हाला आयुष्यातील सर्व चांगल्या गोष्टींसाठी शुभेच्छा देत आहे” असं कॅप्शन देत तिने वरदला शुभेच्छा दिल्या आहेत.
स्पृहाने नवऱ्याचा वाढदिवस घरच्या घरीच साजरा केलेला पाहायला मिळत आहे. घरीच केक आणून तिने तिच्या नवऱ्याचा वाढदिवस साजरा केला आहे. घरच्या घरी अत्यंत साधेपणाने तिने तिच्या नवऱ्याचा वाढदिवस साजरा केला. नवऱ्याच्या वाढदिवसानिमित्त स्पृहाने स्वतः स्पेशल केक बनवला होता. स्पृहाने शेअर केलेल्या व्हिडीओमध्ये स्पृहा व वरद यांचा रोमँटिक अंदाजही प्रेक्षकांना भावला. स्पृहाने शेअर केलेल्या व्हिडीओमध्ये तिच्या सुंदर अशा घराचीही झलक पाहायला मिळाली. स्पृहाच्या या पोस्टवर सिनेसृष्टीतील अनेक कलाकार मंडळींनी तिच्या पतीला वाढदिवसाच्या शुभेच्छा दिल्या आहेत.
स्पृहा व वरद यांच्या लग्नाला १३ वर्षे उलटली आहेत. २०१४ मध्ये त्या दोघांनी लगीनगाठ बांधली. तब्बल सहा वर्ष ही जोडी रिलेशनशिपमध्ये होती. त्यांनतर स्पृहा व वरद यांनी २८ नोव्हेंबर २०१४ रोजी विवाहसोहळा पार पाडला.