shubhangi sadavarte jejuri dev darshan : मराठी कलाविश्वात सध्या लगीनघाई सुरु असलेली पाहायला मिळत आहे. अशातच काही दिवसांपूर्वी मराठी अभिनेत्री दुसऱ्यांदा विवाहबंधांत अडकली असल्याचं समोर आलं. थेट केळवणाचा व्हिडीओ शेअर करत तिने लग्नाची बातमी दिली. घटस्फोटाच्या तीन महिन्यांतच तिने दुसरं लग्न करण्याचा निर्णय घेतला. ही अभिनेत्री म्हणजे ‘संगीत देवबाभळी’ फेम अभिनेत्री शुभांगी सदावर्ते. शुभांगीने मागील आठवड्यात दुसऱ्यांदा लग्न केलं. सुमित म्हशेळकर यांच्याशी तिने लग्न केले. अत्यंत साधेपणाने त्यांनी लग्न उरकलं. कमीत कमी माणसं आणि फक्त कुटुंबीय यांच्या उपस्थितीत शुभांगी आणि सुमित लग्नबंधनात अडकले.
आता लग्नानंतर ही जोडी देवदर्शनाला गेली आहे. शुभांगी आणि सुमित लग्नानंतर जेजुरीला खंडेरायाच्या दर्शनाला पोहोचले आहेत. याचा व्हिडीओ त्यांनी इंस्टाग्राम अकाउंटवर शेअर केला आहे. व्हिडीओमध्ये जेजुरीला गेल्यावर सुमितने शुभांगीला उचलून घेत जेजेरी गडाच्या पायऱ्या चढल्या असल्याचं पाहायला मिळत आहे. भंडारा उधळत त्यांनी खंडेरायाचे दर्शन घेतले. हा व्हिडीओ पाहून नेटकरी लाईक्सचा वर्षाव करत आहेत.
“येळकोट येळकोट जय मल्हार”, असं म्हणत शुभांगीच्या पतीने म्हणजे सुमित म्हशेळकरने हा व्हिडीओ शेअर केला आहे. शुभांगी सदावर्तेचे पहिले लग्न “संगीत देवबाभळी” नाटकाला संगीत देणाऱ्या आनंद ओक यांच्याशी झाले होते. ११ जुलै रोजी शुभांगी आणि आनंद यांनी करोना काळात लग्न केले. लॉकडाऊनचे नियम शिथिल झाल्यानंतर शुभांगी आणि आनंद या दोघांचा छोटेखानी विवाह सोहळा पार पडला. या विवाह सोहळ्याला सदावर्ते आणि ओक कुटुंबातील मोजके नातेवाईक आणि जवळचे मित्रमंडळी उपस्थित होती.
आणखी वाचा – अखेर प्रेक्षकांची इच्छा पूर्ण, वल्लरी विराजची ‘झी मराठीवर’ दमदार एंट्री; ‘या’ मालिकेत दिसणार
शुभांगीच्या पहिल्या पतीने घटस्फोटाची बातमी दिली होती. पोस्ट शेअर करत असं म्हटलं की, “प्रिय मित्रांनो, शुभांगी आणि मी काही वर्षांपूर्वी परस्पर सहमतीने वेगळे होण्याचा निर्णय घेतला होता. तो निर्णय स्वीकारण्यासाठी आणि तो दृढ करण्यासाठी आम्हाला थोडा वेळ लागला आणि आता तो मोकळेपणाने सांगण्यासाठी हाच योग्य क्षण वाटतो. आम्ही एकत्र घालवलेल्या वेळेबद्दल आणि आम्ही एकत्र चाललेल्या प्रवासाबद्दल मी आभारी आहे”.
