prajakta gaikwad goodnews : प्रत्येक मुलीच्या आयुष्यातील भावुक करणारा क्षण म्हणजे लग्न. एकदा का मुलगी वयात आली की तिचं लग्न लावून तिच्या सासरी गेली म्हणजे आई-बाबाचं मोठं टेन्शन गेलं. आपल्या मुलीच लग्न लावून तिचा सुखाचा संसार पाहण्याची इच्छा प्रत्येक पालकांची असते. तर मुलींच्याही आयुष्यातील हा खास क्षण असला तरी तो भावुक करणारा असतो. या क्षणाबाबत एका सुप्रसिद्ध मराठमोळ्या अभिनेत्रीने पोस्ट शेअर करत आनंदाची बातमी दिली आहे. मालिका विश्वातील लोकप्रिय चेहरा म्हणजेच प्राजक्ता गायकवाड. प्राजक्ताने तिच्या इंस्टाग्राम स्टोरीवर शेअर केलेल्या एका पोस्टने साऱ्यांचं लक्ष वेधलं आहे.
प्राजक्ताने स्वराज्य रक्षक संभाजी या मालिकेतून रसिकांच्या मनात घर केलं. सोशल मीडियावरही प्राजक्ता नेहमीच सक्रिय असते. अभिनयासह ती तिच्या नृत्यामुळे आणि फोटोशूटमुळे चर्चेत राहिलेली पाहायला मिळाली आहे. अशातच प्राजक्ताने तिच्या इंस्टाग्राम अकाउंटवर शेअर केलेल्या एका पोस्टची सध्या चर्चा सुरु आहे. ठरलं असं म्हणत प्राजक्ताने थेट एका विधिदरम्यानचे काही फोटो शेअर केले आहेत. “प्रत्येक मुलीच्या आयुष्यातील महत्वाचा टप्पा”, असं कॅप्शन देत तिने ही पोस्ट शेअर केली आहे.
जरीची साडी, पारंपरिक दागिने, गजरा परिधान करत तिने या खास विधींसाठी साऊथ इंडियन लूक केला होता. गळ्यातील हार पाहता अभिनेत्रीच्या साखरपुड्याचे हे विधी असल्याची चर्चा सर्वत्र रंगली आहे. ही आनंदाची बातमी प्राजक्ताने दिली असली तरी तिचा होणार नवरा कोण आहे?, हे मात्र तिने गुलदस्त्यात ठेवलं आहे. प्राजक्ताने ठरलं म्हणत फक्त तिचेच विधी दरम्यानचे फोटो शेअर केले आहेत. त्यामुळे अर्थातच प्राजक्ता विवाहबंधनात कोणाबरोबर अडकणार याकडे साऱ्यांच्या नजरा लागून राहिल्या आहेत.
प्राजक्ताने शेअर केलेल्या या पोस्टवर तिला अनेकांनी शुभेच्छा दिल्या आहेत. कलाकार मंडळींनीही तिच्यावर शुभेच्छांचा वर्षाव केला आहे. या फोटोंमध्ये प्राजक्ताच्या चेहऱ्यावरचा आनंद सगळं काही सांगून जात आहे. एकूणच ती तिच्या आयुष्यातील एक नवं पाऊल टाकण्यासाठी खूप खुश आहे.
