ashwini mahangade working in farm : बरीच अशी कलाकार मंडळी आहेत ज्यांचा साधेपणा नेहमीच साऱ्यांना भावला आहे. सेटवर भूमिका साकारताना त्यांचं एक वेगळं रुप पाहायला मिळतं. तर घरी कुटुंबासह त्यांची एक वेगळीच बाजू पाहायला मिळते. बरेचदा चाहत्यांना ही कलाकार मंडळी खऱ्या आयुष्यात कसे असतील, कसे राहत असतील याची उत्सुकता असते. अशावेळी ही कलाकार मंडळी सोशल मीडियाच्या माध्यमातून या चाहत्यांसह त्यांचे रुटीन, वैयक्तिक अनुभव शेअर करताना दिसतात. अशातच आता एका मराठमोळ्या अभिनेत्रीने तिच्या सोशल मीडियावर शेअर केलेल्या फोटोंवरुन तिचा साधेपणा दिसून येत आहे.
‘आई कुठे काय करते’, ‘स्वराज्यरक्षक संभाजी’ या मालिकांमधून घराघरांत पोहोचलेली अभिनेत्री म्हणजे अश्विनी महांगडे. अश्विनीने आजवर अनेक मालिकांमधून महत्त्वपूर्ण भूमिका साकारत रसिकांच्या मनावर राज्य केलं. सोशल मीडियावरही अश्विनी बऱ्यापैकी सक्रिय असलेली पाहायला मिळाली. अशातच अश्विनीने तिच्या इंस्टाग्राम अकाउंटवर एक पोस्ट शेअर केली आहे. ज्यात ती त्यांच्या शेतात राबताना दिसत आहे. यावेळी शेतातून घरी परततानाचे फोटो तिने पोस्ट केले आहेत.
आणखी वाचा – वर्ष झालं! अभिनेते अतुल परचुरे यांच्या निधनाला एक वर्ष पूर्ण, त्यांच्या आठवणी आजही जिवंत
अश्विनी ही मूळची सातारा जिल्ह्यातील वाई तालुक्यातील आहे. त्यामुळे अगदी लहानपणापासूनच ती गावाकडे वाढली आहे. आणि तिला गावची ओढ आहे. गावाकडे लहानपणापासून शेतात जात असल्याने तिला शेतीचीही बऱ्यापैकी माहिती आहे. आणि शूटिंगच्या व्यस्त वेळापत्रकातून वेळ काढत ती अधूनमधून गावाकडे शेतात काम करायलाही जात असते. आताही अश्विनीने “हे फक्त फोटो नाहीत तर यात भावना आहेत”, असं कॅप्शन देत शेतातील खास फोटो पोस्ट केले आहेत.
आणखी वाचा – “बोल्ड कंटेंटसाठी कम्फर्टेबल नाही”, जुई गडकरी स्पष्टच बोलली, म्हणाली, “हातातून काम निसटतंय…”
अश्विनीच्या या फोटोंनी साऱ्यांचं लक्ष वेधलं आहे. सोशल मीडियावर तिच्या या साधेपणाचं भरभरुन कौतुकही होत आहे. अनेकांनी या फोटोंवर लाईक्स आणि कमेंटचा वर्षाव केला आहे. “आभाळाला हात टेकून सुद्धा आपल्या काळया आईशी असलेले नाते घट्ट ठेवणारी आमची ताई”, “तुझं खूप कौतुक वाटत ग तायडे… अभिनेत्री म्हणून बाजूला आणि जन्म घेतलेल्या मातीतलं नातं एका बाजूला म्हणजेच साधी सरळ एक मुलगी”, अशा कमेंट करत तिचं कौतुक केलं आहे.
