मराठी सिनेसृष्टीतील लोकप्रिय कपलपैकी एक म्हणजे अभिनेत्री ऐश्वर्या नारकर व अभिनेता अविनाश नारकर. ऐश्वर्या व अविनाश नारकर यांनी आजवर त्यांच्या अभिनय कौशल्याने प्रेक्षकांची मनं जिंकली. वयाची पन्नाशी ओलांडलेलं हे जोडपं नेहमीच कोणत्या ना कोणत्या कारणामुळे चर्चेत असतं. सोशल मीडियावरही ही जोडी बऱ्यापैकी सक्रिय असलेली पाहायला मिळते. ट्रेंडिंग रील व्हिडीओ शेअर करत ते नेहमीच चर्चेत असतात. ट्रेंडिंग गाण्यावर रील बनवण्यात ही जोडी कधीच मागे नसते. त्यामुळे सोशल मीडियावर या नारकर कपलची हवा असलेली पाहायला मिळते. (Aishwarya Narkar And Avinash Narkar)
अशातच ऐश्वर्या व अविनाश नारकर यांनी नुकताच एक व्हिडीओ त्यांच्या अधिकृत इन्स्टाग्राम अकाउंटवर शेअर केला आहे. या व्हिडीओमध्ये ही जोडी नाम मनसु या दाक्षिणात्य गाण्यावर थिरकताना दिसतात. हटके डान्स स्टेप्स करत दोघांनी त्यांची एनर्जी वापरून केलेला डान्स साऱ्यांचं लक्ष वेधलं. “आम्ही ट्रेंड फॉलो करत आठवणी गोळा करतोय,” असं सुंदर कॅप्शन ऐश्वर्या नारकर यांनी या व्हिडीओला दिलं आहे. ऐश्वर्या आणि अविनाश यांची एनर्जी ही तरुणाईला लाजवेल अशी आहे, असं म्हणणं चुकीचं ठरणार नाही.
नारकर दाम्पत्याचा हा व्हिडीओ सध्या सोशल मीडियावर तुफान व्हायरल झाला असून नेटकऱ्यांनी या व्हिडीओला पसंती दर्शविली आहे. “प्रत्येक क्षण आनंदात कसा जगावा हे तुमच्याकडे पाहून शिकावे”, “अविनाश सर डान्स करताना खूप मज्जा करतात”, “किती आनंद लुटता तुम्ही जीवनाचा”, “असा माणूस पाहिजे जो जीवनाचा आनंद पुरेपूर लुटतो”, असं म्हणत दोघांच्या एनर्जीच कौतुक केलं आहे.
ऐश्वर्या नारकर यांच्या कामाबद्दल बोलायचे झाले तर ‘झी मराठी’ वाहिनीवरील ‘सातव्या मुलीची सातवी मुलगी’ या मालिकेत ऐश्वर्या नारकर खलनायिकेची भूमिका साकारत आहेत. या मालिकेत त्या रुपाली म्हात्रे ही भूमिका साकारताना दिसत आहेत. ही मालिका सध्या रंजक वळणावर येऊन पोहोचली आहे.
