सोशल मीडियावरुन बरेचसे कलाकार मंडळी त्यांना आलेले अनुभव प्रत्यक्ष व अप्रत्यक्षरीत्या मांडत असतात. बरेचदा प्रवासादरम्यान वा वाहतुकीदरम्यान आलेले अनुभव ते त्यांच्या सोशल मीडियाच्या माध्यमातून शेअर करतात. आजवर अशी बरीच कलाकार मंडळी आहेत ज्यांनी टोलनाका, प्रायव्हेट कारद्वारे झालेली फसवणूक यांचे अनेक किस्से सांगितले आहेत. अशातच आता एका लोकप्रिय मराठमोळ्या अभिनेत्रीला सुद्धा एका प्रसंगाला सामोरे जावे लागले आहे. ही अभिनेत्री म्हणजेच ‘वादळवाट’ फेम अदिती सारंगधर. अदितीने तिच्या इंस्टाग्राम अकाऊंटवरुन पुण्यात प्रायव्हेट कॅबने फिरतानाचा एक अनुभव शेअर केला आहे. थेट गाडीतून ड्रायव्हर बरोबरच्या संभाषणाचा व्हिडीओ शेअर केला आहे. (aditi sarangdhar angry on cab driver)
अभिनेत्रीने पुण्यातील प्रवासादरम्यानचा एक अनुभव शेअर केला आहे. “एसी चालू करणार आहेस की नाही? आम्हाला खूप गरम होतंय”, असं अभिनेत्री त्या ड्रायव्हरला ओरडून विनवणी करून सांगताना दिसत आहे. यावर काचा बंद केल्यावरच एसी लावेन असं उत्तर डायव्हर अभिनेत्रीला देतो. मात्र, वाढत्या उकाड्यामुळे “एसी फास्ट कर म्हणजेच २ वर चालव”, असं अदिती त्याला सांगते. मात्र एसी २ वर नाहीतर १ वर चालवणार आणि ते पण काचा बंद केल्यावर असं ड्रायव्हर म्हणतो. त्यानंतर संतापून अभिनेत्री त्याला ‘गाडी पोलीस स्टेशनला घेऊन चल’, असं सांगते. तेव्हा ड्रायव्हर उद्दामपणे, ‘हो चला’, असं बोलताना दिसतो.
“आजी, मालिकाविश्व अन्… प्रामाणिक मत”, प्रसाद जवादेने शेअर केला ‘पारू’ मालिकेच्या चाहतीचा खास किस्सा
व्हिडीओच्या शेवटी “तू मला उलट, उद्दाम बोलत आहेस. एसी चालू कर मला गरम होतंय. तुझा एसी पूर्ण चालतोय का?”, असे प्रश्न विचारत संतापल्याच दिसतंय. हा व्हिडीओ शेअर करत कॅप्शनमध्ये “अतिशय घृणास्पद व लाजिरवाणा प्रकार या संबंधित चालकाला रिपोर्ट करा”, असं अदितीने म्हटलं आहे. व्हिडीओच्या खाली कॅप्शनमध्ये अदितीने ओला कॅब या नामांकित कंपनीला वाईट सर्व्हिसबाबत मत मांडत टॅगही केलं आहे.
अदितीने हा व्हिडीओ तिच्या इंस्टाग्राम अकाउंटवरुन पोस्ट केला आहे. दरम्यान, बऱ्याच प्रेक्षकांनी हा व्हिडीओ पाहून ड्रायव्हरची बाजू घेतली आहे. तर अदितीने मांडलेला मुद्दा काहींना न समजल्याने त्यांनी थेट ड्रॉयव्हरची बाजू बरोबर असल्याचं म्हटलं. तर काहींनी अदितीची बाजू मांडत पुण्याच्या ड्रॉयव्हरला बोलायची पद्धत माहित नसल्याचंही म्हटलं आहे. सदर व्हिडीओवर संमिश्र प्रतिक्रिया येताना पाहायला मिळत आहेत.आणखी वाचा – Video : मित्रासाठी मंचावरच संजय मोनेंना रडू कोसळलं, उपस्थित कलाकारांच्याही डोळ्यात पाणी, म्हणाले, “४० वर्ष आम्ही एकत्र…”