‘झी मराठी’वरील ‘चला हवा येऊ द्या’ या कार्यक्रमामुळे अनेक कलाकार प्रकाशझोतात आले. त्यातील एक कलाकार म्हणजे कुशल बद्रिके. विनोदाचं अचूक टायमिंग, अभिनय यामुळे त्याने सर्व प्रेक्षकांच्या मनात एक वेगळी जागा निर्माण केली. दहा वर्षांनी ‘चला हवा हवा येऊ द्या’ या कार्यक्रमाने प्रेक्षकांचा निरोप घेतला. मात्र या कार्यक्रमानंतर कुशल हिंदी मालिकाविश्वात झळकताना दिसत आहे. सध्या तो सोनी वाहिनीवरील ‘मॅडनेस मचाएंगे’ या कार्यक्रमात प्रेक्षकांचे मनोरंजन करत आहे. (Kushal Badrike Post)
अभिनेता कुशल बद्रिके त्याच्या अभिनयाबरोबरच लिखाणानेही चाहत्यांचे लक्ष वेधून घेतो. विविध विषयांवर भाष्य करत कुशल नेहमीच काही ना काही त्याच्या सोशल मीडियावरुन शेअर करत असतो. चाहतेमंडळीही कुशलच्या या लिखाणाचे कौतुक करताना दिसतात. सध्या कुशल हिंदी सिनेसृष्टीकडे वळला आहे. हिंदी सिनेमाविश्वात तो त्याच्या विनोदी अंगाने रसिक प्रेक्षकांच्या मनावर राज्य करत आहे. एक पाऊल पुढे टाकत कुशल सध्या त्याच्या टॅलेंटने प्रेक्षकांची मन जिंकत आहे.
अशातच कुशलने नुकत्याच शेअर केलेल्या एका पोस्टने सर्वांचेच लक्ष वेधून घेतले. कुशलने “खरं सांगू का? चौकटी बाहेर पडून काम करायला खूप भीती वाटते, पण ते म्हणतात ना, डर के आगे जीत है! ते उगाच नाही. स्वतःला शोधायचं म्हणजे चौकट सोडावीच लागते. कधी घराची, कधी कामाची, कधी प्रेमाची”, असं कॅप्शन देत स्वतःला प्रेरित केलं आहे.
“अशातच कुशलने नुकत्याच शेअर केलेल्या एका पोस्टने सर्वांचेच लक्ष वेधून घेतले आहे”, “आपणच कुठंतरी स्वतःला चौकटीत बंद करुन असतो, हे बाहेर पडल्याशिवाय कळत नाही. असंच काम करत रहा सगळ्या चौकटी आणि बंधनं यशस्वीरित्या ओलांडून प्रगती करा. पुढील वाटचालीसाठी मनापासून खूप खूप हार्दिक शुभेच्छा”, असं म्हणत प्रेरित केलं आहे. कुशलनेही चाहत्यांच्या या कमेंटवर हार्ट ईमोजी शेअर केला आहे.
