बॉलीवूड अभिनेता संजय कपूरची पत्नी महीप कपूर एकेकाळी लोकप्रिय मॉडेल होती. महीपने आता एका मुलाखतीत तिच्या व पतीच्या वैयक्तिक आयुष्याबद्दल भाष्य केलं आहे. तिने संजयच्या विवाहबाह्य संबंधांचा खुलासा केला आहे. पतीने फसवणूक केल्याने महीपने त्याला सोडलं होतं, पण मुलीसाठी ती परत संजयकडे परतली होती. संजय कपूरने १९९७ मध्ये महीप कपूरसोबत लग्न केले. या जोडप्याला शनाया व जहाँ ही दोन मुले आहेत.
नुकत्याच ‘झूम’ला दिलेल्या एका मुलाखतीत महीपने सांगितले की, संजय कपूरने तिची फसवणूक केली आहे. याबद्दल महीपने असं म्हटलं की, “मला वाटतं की लोक एका ठराविक साच्यातून बाहेर पडून एखाद्या व्यक्तीला पाहू इच्छित नाहीत आणि त्या व्यक्तीच्या जागी स्वतःला ठेवून समजून घेण्याचा प्रयत्न करु इच्छित नाहीत. इथे कोणीच परिपूर्ण नाही. प्रत्येक जण कधी ना कधी या टप्प्यातून जाणार आहे आणि यामध्ये कोणतीही अडचण नाही.”
यापुढे तिने असं म्हटलं की, “संजयने आजवर अनेक महिलांना डेट केलं आहे, त्याने भूतकाळात केलेल्या सर्व घाणेरड्या गोष्टींची त्याला जाणीव आहे. याच कारणामुळे तो मुलीबद्दल जास्त विचार करतो. मुलगी शनायाच्या बाबतीत तो अक्षरशः वेडा होतो. त्याला वाटतं की, जसा तो वागला तसंच एखादा मुलगा शनायाबरोबर वागला तर काय होईल. आता तो शनायाच्या बाबतीत कदाचित आधीपेक्षा थोडा शांत झाला आहे.”
आणखी वाचा – Video : सुप्रसिद्ध मराठी अभिनेत्रीचा नव्या घरात गृहप्रवेश, गोवऱ्यांची चूल पेटवत जपली परंपरा, व्हिडीओमध्ये दिसली घराची झलक
यापुढे तिने संजयच्या विवाहबाह्य संबंधाबद्दल असं म्हटलं की, “माझ्या लग्नाच्या सुरुवातीला संजय खूप विचित्र वागत होता. त्यामुळे मी शनायासोबत घर सोडून निघून गेले होते. मी स्वतःसाठी उभे राहिले, पण शेवटी माझ्याकडे एक लहान बाळ होतं. त्यामुळे एक स्त्री आणि एक आई म्हणून माझं प्राधान्य माझं बाळ होतं.”
