vanita kharat new home new : मराठी मनोरंजनविश्वात कलाकार मंडळी एकापाठोपाठ एक आनंदाची बातमी देताना दिसत आहेत. सध्या सिनेविश्वात लगीनघाई सुरु असलेली पाहायला मिळत आहे. कलाकार मंडळी एकामागोमाग एक आनंदाची बातमी देताना दिसत आहे. अशातच आपल्या एका मराठी अभिनेत्रीने स्वतःच हक्काचं नवंकोरं घर घेतलं असल्याचं दिसत आहे. काही दिवसांपूर्वी तिने ही बातमी दिली. अशातच आता सगळ्या आनंदाच्या वातावरणातील नव्या घराची झलक सोशल मीडियावर शेअर केली आहे. हक्काच्या माणसांसह हक्काच्या घरात एन्ट्री करतानाचा व्हिडीओ शेअर केला आहे. ही अभिनेत्री म्हणजेच ‘महाराष्ट्राची हास्यजत्रा’ फेम वनिता खरात.
वनिता खरातने काही दिवसांपूर्वीच नवं घर घेतलं असल्याची आनंदाची बातमी दिली होती. मात्र, आता तिनं तिच्या या नव्या घरात हक्काच्या माणसांसह एंट्री केली आणि तिच्या नव्या घराची झलक दाखवली. यावेळी तिचे सगळे कुटुंबीय तिच्याबरोबर उभे असलेले दिसले. तसेच ‘महाराष्ट्राची हास्यजत्रा’ मधील अनेक कलाकार मंडळीही वनिताला पाठिंबा देण्यासाठी उपस्थित होते. नम्रता संभेराव, रोहित माने ही कलाकार मंडळी वनिताच्या आनंदाच्या क्षणी तिच्याबरोबर होती.
आणखी वाचा – साखरपुडाही उरकला, लग्नाचा विचार सुरु आणि…; ‘धुरंधर’ फेम अभिनेत्याची कबुली, लग्नाआधीच आहे दोन मुलांचा बाबा
समोर आलेल्या व्हिडीओमध्ये वनिता खरात तिच्या नव्या घरात एन्ट्री करताना दिसत आहे. या शिवाय नव्या घरात गेल्यानंतर ती एक छोटीशी पूजा करतानाही दिसली. यावेळी तिचा पती सुमितही तिच्याबरोबर होता. घरात एंट्री केल्यानंतरचे काही सुरुवातीचे विधी केल्यानंतर त्यांनी एकत्र फोटोसेशनही केलेलं पाहायला मिळालं. यावेळी तिच्या घराची झलक पाहायला मिळाली. गॅलरीतूनही खूप सुंदर व्ह्यू दिसत होता. तर किचन-हॉलची झलक यावेळी पाहायला मिळाली. आता घर तयार केल्यानंतर ते कसं असणार आहे, वनिता तिचं घर कसं सजवणार?, हे पाहणं रंजक ठरणार आहे. वनिताच्या या व्हिडीओवर अनेकांनी कमेंट करत तिचं कौतुक केलं आहे.
