lataa saberwal sanjeev seth : ‘ये रिश्ता क्या केहलता है’ या टीव्ही शोमधील लता सभरवाल यांनी तिचा नवरा संजीव सेठपासून विभक्त झाल्यानंतर एक गुप्त पोस्ट शेअर केली, आणि अभिनेत्रीची ही पोस्ट चर्चेत आली आहे. या पोस्टमध्ये तिने लोकांचा वास्तविक चेहरा आणि हृदय याविषयी भाष्य केलं आहे. ‘ये रिश्ता क्या केहलता है’ मध्ये अक्षराच्या आई-वडिलांची भूमिका लता सभरवाल आणि संजीव सेठ यांनी साकारली होती. दोघांची जोडी प्रेक्षकांनाही विशेष आवडली. लता सभरवाल आणि संजीव सेठ यांच्यात खटपट होत असल्याच्या बातम्या सतत कानावर येत होत्या आणि शेवटी त्यांनी त्यांचे १५ वर्षांचे लग्न संपविण्याचा निर्णय घेतला.
सोशल मीडियावरील एका पोस्टमध्ये लता सभरवाल यांनी आपल्या पतीपासून विभक्त होण्याची घोषणा केली. आणि या प्रकरणाला गोपनीयता देण्याची मीडियाला विनंती केली. तथापि, तिने तिच्या पतीपासून विभक्त होण्याचे कारण उघड केले नाही. आता ‘ये रिश्ता क्या केहलता है’ची अभिनेत्री लता सभरवाल यांनी संजीव सेठपासून विभक्त होण्याची घोषणा केल्यानंतर चार दिवसांनी तिच्या इन्स्टाग्राम अकाउंटवर दोन गुप्त पोस्ट केल्या आहेत.
या पोस्टमध्ये त्यांनी असं लिहिलं आहे की, “एक सुंदर चेहरा शोधणे सोपे आहे, परंतु सुंदर अंतःकरण सहज सापडत नाहीत. जेव्हा तुम्ही स्वतः एखादी गोष्ट अनुभवली असेल तेव्हाच आपण इतरांना मार्गदर्शन करु शकता”. लता सभरवालच्या या पोस्टवर नेटकऱ्यांच्या बर्याच प्रतिक्रिया आल्या आहेत. एकाने लिहिले आहे, “मॅम, तुझी काळजी घ्या. आपल्यावर काय परिस्थिती ओढवली आहे हे आम्हाला माहित आहे”. तर आणखी एकाची कमेंट करत म्हटलं आहे की, “आपण विवाहाबद्दल आम्हाला मार्गदर्शन करावे अशी आमची इच्छा आहे. लग्न करताना आपण कोणत्या गोष्टींची काळजी घ्यावी? याबाबत आम्हाला सांगा”. तर आणखी एकजण म्हणाला, “लताजीच्या संजीवने त्यांचे मन मोडले आहे”. “लता मॅडम, तुम्ही खंबीर रहा. कालांतराने सर्व काही ठीक होईल. या कठीण काळात देव तुमच्याबरोबर आहे. आम्ही तुमच्यावर प्रेम करतो, आणि तुम्हाला ज्यात आनंद मिळेल ते करत रहा”, असंही एका चाहत्याने त्यांना सल्ला दिला आहे.
आणखी वाचा – मालिकेत अपघात, मृत्यूचा सीन शूट होताना कलाकारावर नारळ ओवाळून काढतात नजर, मराठी अभिनेत्रीने दाखवलं सत्य
लता सभरवाल आणि संजीव सेठ यांना एक मुलगा आहे, परंतु आता अभिनेत्री त्या मुलाचा एकट्यानेच सांभाळ करणार आहे. या दोघांनीही २०१० मध्ये लग्न केले. लता सभरवालच्या आधी संजीव सेठने अभिनेत्री रेशीम टिपनिसशी लग्न केले होते. परंतु २००४ मध्ये त्यांचा घटस्फोट झाला.
