rasika dhamankar new home : आई आपल्या मुलांसाठी अथक प्रयत्न करते. ती नेहमीच आपल्या मुलांच्या भविष्याचा विचार करते. त्यांच्यासाठी काय योग्य काय वाईट याबाबत तिला सर्वकाही माहित असतं. आई मुलांसाठी खूप काही करते असं आपण अनेकदा ऐकलं आहे पण जेव्हा हीच मुलं वयात आल्यानंतर आपल्या आईसाठी काहीतरी करु पाहतात. अशातच एका मराठमोळ्या कलाकाराच्या मुलीने आईलाच तिच्या वाढदिवसानिमित्त खास भेट दिली आहे. कलाविश्वात कलाकार मंडळी त्यांच्या मुलांबरोबरचे खास क्षण नेहमीच चाहत्यांसह शेअर करतात. आणि या चाहत्यांनाही कलाकारांच्या मुलांबद्दल, कुटुंबाबद्दल जाणून घेण्याची उत्सुकता लागून राहिलेली असते. अशातच एका आई-मुलीच्या खास बॉन्डबाबत एक मोठी अपडेट समोर आली आहे.
हक्काचं घर असावं असं प्रत्येकाचं स्वप्न असतं. अशातच अभिनेत्री रसिका धामणकरच्या लेकीने खास आईसाठी हक्काचं घर भेट दिलं आहे. अभिनेत्रीच्या लेकीने वयाच्या २८ व्या वर्षी स्वमेहनतीवर आईसाठी ही खास भेट दिली आहे. अभिनेत्रीने आणि तिच्या लेकीने या नव्या घराची झलक सोशल मीडियावर शेअर केली आहे. अभिनेत्रीने तिच्या कुटुंबासह नव्या घरात गृहप्रवेश केला आहे. या व्हिडीओसह अभिनेत्रीच्या लेकीने खास कॅप्शनही दिलं आहे.
रसिका धामणकर यांची लेक अंतरा लिहिते, “आमचं घर माझ्या बाबांची मेहनत, परिश्रम आणि माझ्या आईच्या प्रेमाने एकत्र बांधलं गेलं आहे. लहापणापासून मी एक स्वप्न पाहिलं होतं, ते म्हणजे माझं हक्काचं, स्वतःचं नाव असलेलं सुंदर घर असावं. मुंबई मैं अपना घर… मी स्वतःच्या मनाशी निश्चय केला होता, जेव्हा मी पहिलं घर घेईन ते माझ्या आईचं असेल. ते घर माझ्या आईसाठी असेल, मी तिला गिफ्ट देईन. वयाच्या २८ व्या वर्षी ते स्वप्न खरं झालं. २०२५ या वर्षात माझ्या आयुष्यात अनेक बदल झाले… माझ्या आई-बाबांच्या आशीर्वादामुळे हे सगळं शक्य झालं आहे”.
पुढे तिने लिहिलं आहे की, “आई के लिए एक नया घर… मेरी मेहनत और सबर का फल.’ आणखी एक सत्य सत्यात उतरलं…हे तुझ्यासाठी आहे आई… आय लव्ह यू आई”. अभिनेत्रीच्या या पोस्टवर अनेकांनी शुभेच्छांचा वर्षाव केलेला पाहायला मिळत आहे. रसिका यांनी ‘लग्नाची बेडी’ या मालिकेत महत्त्वपूर्ण काम केले. याशिवाय त्यांनी ‘अबोली’ या मालिकेत काही दिवसांपूर्वी एंट्री घेतलेली पाहायला मिळाली
