कॉमेडीयन कपिल शर्मा आपल्या ‘द कपिल शर्मा’ या शोमध्ये अनेक सेलिब्रिटींबरोबर विनोद करण्यासाठी ओळखला जातो. त्याच्या शोमध्ये येणाऱ्या अनेक सेलिब्रेटींबरोबर तो मजामस्ती करत असतो. या शोमध्ये सहभागी होणारे सेलिब्रिटीही याचा आनंद घेत असतात. मात्र या शोमध्ये नुकतीच ‘बेबी जॉन’ या चित्रपटाची टीम पोहोचली होती. यावेळी कपिलने चित्रपटाचा दिग्दर्शक ॲटलीवर वर्णभेदी टिप्पणी करत त्याची मस्करी केली होती. ‘द ग्रेट इंडियन कपिल शो’च्या नुकत्याच झालेल्या या भागाची एक व्हिडिओ क्लिप सध्या सोशल मीडियावर व्हायरल होत आहे. (Kapil Sharma reaction on tlee racist comment)
या व्हिडीओत कपिल ॲटलीला असं म्हणतो की, “तुम्ही कधी कोणत्या मोठ्या कलाकाराला भेटायला गेलात आणि त्यांनी ओळखलं नाही असं कधी झालं आहे का?”. याबाबत सोशल मीडियावर जोरदार चर्चा सुरू आहे. तर ॲटलीच्या काही चाहत्यांनीही कपिल शर्मावर नाराजी व्यक्त केली आहे. अशातच या संपूर्ण प्रकरणावर आता स्वत: कपिलने आपली प्रतिक्रिया दिली आहे. तीन दिवसांनंतर लोकांना द्वेष पसरवू नका असं म्हणत या वादावर मौन सोडलं आहे.
Dear sir, can you pls explain me where n when I talked about looks in this video ? pls don’t spread hate on social media 🙏 thank you. (guys watch n decide by yourself, don’t follow any body’s tweet like a sheep). https://t.co/PdsxTo8xjg
— Kapil Sharma (@KapilSharmaK9) December 17, 2024
आणखी वाचा – धर्म बदलण्यासाठी एजाज खानची पवित्रा पुनियावर जबरदस्ती?, अभिनेत्री म्हणाली, “मुस्लिम मुलीने हिंदू घरात…”
ट्विटरवर व्हायरल होत असलेल्या व्हिडीओवर कपिलने प्रतिक्रिया देत असं म्हटलं आहे की, “प्रिय सर, या व्हिडीओमध्ये मी त्याच्या लूकबद्दल कधी आणि कुठे बोललो? हे तुम्ही मला समजावून सांगू शकता का? कृपया सोशल मीडियावर द्वेष पसरवू नका. मित्रांनो, तुम्हीच बघा आणि ठरवा, उगाच मेंढरासारखे कोणाच्याही ट्विटला फॉलो करू नका”. कपिलच्या या प्रतिक्रियेवरही आता नेटकऱ्यांनी प्रतिसाद द्यायला सुरुवात केली आहे.
आणखी वाचा – हॉस्पिटलमधून परतल्यावर हिना खानची ‘अशी’ झाली आहे अवस्था, फोटो शेअर करत म्हणाली, “माझ्या हृदयाचे…”
सोशल मीडियावर सध्या कपिल शर्माला संमिश्र प्रतिसाद मिळत आहे. कुणी कपिलचे समर्थन केले आहे, तर काहींनी पुन्हा त्याच्यावर टीका केली आहे. “आता राहू द्या”, “तुम्ही चुकीचेच बोललात असे बोलायला नको होते”, “कपिल सर त्यांच्या लूकबद्दल बोलत नाहीत तर त्यांच्या वयाबद्दल बोलत आहेत”, “तुमचा प्रश्न स्वतःच वर्णद्वेषी होता”. अशा अनेक कमेंट्स करत नेटकऱ्यांनी कपिलवर पुन्हा टीकेची तोफ डागली आहे.
