Marathi Actress Become Mother : मराठी मालिकांच्या विश्वात आपली खास ओळख निर्माण करणारी अभिनेत्री सई कल्याणकर हिच्या आयुष्यात सध्या आनंदाचा नवा अध्याय सुरू झाला आहे. ‘कमळी’ मालिकेत राधिकाच्या भूमिकेमुळे घराघरात पोहोचलेली सई आता आई झाली असून तिच्या घरी चिमुकल्या परीचं आगमन झालं आहे. १० मार्च २०२६ रोजी तिने एका गोड मुलीला जन्म दिला आहे. ही आनंदाची बातमी सईने काही दिवसांनी, म्हणजेच बाळाच्या जन्मानंतर जवळपास दोन आठवड्यांनी चाहत्यांसोबत शेअर केली.
सोशल मीडियावर तिने पोस्ट शेअर करत आपल्या भावना व्यक्त केल्या. “आमच्या आयुष्यात छोट्या परीचं आगमन झालं आहे. १० मार्च हा दिवस आमच्यासाठी खास ठरला. आता आयुष्याचा एक सुंदर आणि नवीन प्रवास सुरू झाला आहे,” असे भावनिक शब्द तिने लिहिले. तिने शेअर केलेल्या फोटोंमध्ये बाळाच्या छोट्या हातांची झलक पाहायला मिळत आहे. ही गोड बातमी समजताच चाहत्यांनी आणि मराठी मनोरंजनसृष्टीतील कलाकारांनी सईवर शुभेच्छांचा वर्षाव केला. ‘कमळी’ मालिकेतील सहकलाकारांनीही तिच्या पोस्टवर प्रेमळ प्रतिक्रिया दिल्या. विशेष म्हणजे मुख्य अभिनेत्री विजया बाबर हिने “सई आई” अशी मनापासून कमेंट करत तिचं अभिनंदन केलं.
आणखी वाचा – दिव्यांका त्रिपाठीच्या पाठोपाठ आणखी एक अभिनेत्री होणार आई, फोटो शेअर करत म्हणाली, “नवीन सुरुवात…”
सईच्या वैयक्तिक आयुष्याबद्दल बोलायचं झालं, तर डिसेंबर २०२१ मध्ये तिने प्रशांत चव्हाण यांच्यासोबत लग्न केलं होतं. त्यांच्या आयुष्यातील हा आनंदाचा क्षण चार वर्षांनंतर आला आहे. ‘ठिपक्यांची रांगोळी’ आणि ‘दख्खनचा राजा ज्योतिबा’ यांसारख्या मालिकांमधून सईने आपल्या अभिनयाची छाप पाडली आहे. आता तिच्या आयुष्यात आईपणाची नवी भूमिका सुरू झाली असून, चाहत्यांकडून तिच्या या नव्या प्रवासासाठी भरभरून शुभेच्छा दिल्या जात आहेत.
आणखी वाचा – घटस्फोटाच्या ६ वर्षांनंतर बादशाह अडकला लग्नबंधनात, ‘ही’ सुप्रसिद्ध अभिनेत्री आहे पत्नी
