बॉलिवूड अभिनेता आमिर खानची मुलगी आयरा खान ही नुकतीच ३ (जानेवारी) रोजी बॉयफ्रेंड नूपुरबरोबर विवाहबंधनात अडकली आहे. साध्या पद्धतीने हा विवाह सोहळा पार पडला असून घरच्या काही मोजक्या कुटुंबियांनी या सोहळ्याला हजेरी लावली होती. आयरा आणि नूपुरने नोंदणी पद्धतीने लग्न केले असून येत्या ७ जानेवारीला उदयपूर येथे शाही पद्धतीने त्यांचा पुन्हा एकदा विवाहसोहळा पार पडणार आहे. तर १३ जानेवारीला मुंबई मधील जिओ वर्ल्ड येथे त्यांच्या लग्नाचा भव्य रिसेप्शन सोहळाही पार पडणार असल्याचे म्हटले जात आहे. (Ira Khan And Nupur Shikhare Wedding)
काल (शुक्रवार ५ जानेवारी) रोजी आयरा खान व नुपूर शिखरे कुटुंबासह उदयपूरला पोहोचले. यावेळी आयरा आणि नुपूर व्यतिरिक्त वधूची आई रीना दत्ता (आमिर खानची माजी पत्नी) आणि कुटुंबातील इतर सदस्य विमानतळावर स्पॉट झाल्याचे पाहायला मिळाले. आयरा-नूपुर यांच्या शाही लग्नासाठी त्यांच्या मित्रपरिवारानेही जयपूरमध्ये खास हजेरी लावले आहे. याचे अनेक फोटो व व्हिडीओ आयराने तिच्या सोशल मीडियाद्वारे शेअर केले आहेत. यापैकी एका व्हिडीओमध्ये अभिनेत्री मिथिला पालकर हीदेखील नाचताना दिसत आहे.
आयराने शेअर केलेल्या या व्हिडीओमध्ये आयरा व नूपुर हे जयपूरमधील स्थानिक स्त्रियांबरोबर जयपूरमधील लोकनृत्य करतानाचे पाहायला मिळत आहे. तसेच नूपुर व त्याचे काही मीतर गाणी गातानाही दिसत आहेत. त्याचबरोबर आयराने तिच्या इन्स्टाग्रामवर आणखी एक फोटो शेअर केला आहे. ज्यात ते जयपूरमधील महालात व्यायाम करत असल्याचे दिसत आहे. “आमचे लग्न व्यायामाशिवाय पूर्ण होऊच शकत नाही” असं म्हणत तिने हा खास फोटो शेअर केला आहे.
दरम्यान, आयरा खानच्या लग्नाचे विधींना उद्यापासून सुरुवात होणार आहे आणि १० जानेवारीला त्यांचे रितीरिवाजानुसार शाही लग्न होणार आहे. त्यानंतर १३ जानेवारीला मुंबईत त्यांच्या लग्नाची मोठी रिसेप्शन पार्टी आयोजित केली जाणार आहे. या रिसेप्शन सोहळ्याला अनेक मोठमोठे कलाकार उपस्थित राहणार असल्याचे म्हटले जात आहे. त्यामुळे आयरा-नूपुर यांच्या लग्नाची चाहत्यांना चांगलीच उत्सुकता लागली आहे.