Sachin Tendulkar love life : अभिनेत्री शिल्पा शिरोडकर यांनी बॉलिवूडमधील बर्याच नामांकित चित्रपटांमध्ये काम केले आहे. ती ‘बिग बॉस’मध्येही दिसली होती. शिल्पा शिरोडकर देखील तिच्या लव्ह लाईफमुळे बरीच चर्चेत असलेली पाहायला मिळाली. तसेच अभिनेत्रीचे वैयक्तिक आयुष्यही बरेच चर्चेत असलेले पाहायला मिळाले. एकदा तर तिचे क्रिकेटपटू सचिन तेंडुलकर यांच्याशी प्रेमसंबंध असल्याच्या बातम्याही बऱ्याच चर्चेत आलेल्या पाहायला मिळाल्या होत्या. रेड एफएमला जुन्या मुलाखतीत शिल्पा हिने या चर्चांबद्दल भाष्य केले. शिल्पाने सांगितले की ‘हम’ या चित्रपटाच्या वेळी ती सचिन तेंडुलकरला भेटली.
शिल्पा म्हणाली होती की, “जेव्हा मी हम चित्रपट करत होते, तेव्हा मी सचिन तेंडुलकरला पहिल्यांदा भेटले. कारण माझा चुलत भाऊ राहत होता तितेच सचिन राहत होता. सचिन आणि माझा चुलत भाऊ वांद्रे ईस्टमध्ये एकत्र क्रिकेट खेळत असत. म्हणून मी अशा परिस्थितीत सचिनला भेटले. आणि त्यावेळी सचिन अंजली यांचे अफेअर सुरु होते. याबद्दल कोणालाही माहिती नव्हते. आम्हाला सर्व काही माहित होते कारण आम्ही मित्र होतो. एक अभिनेत्री क्रिकेटपटूला भेटत आहे आणि तेही सचिन तेंडुलकर हे सर्व सांगणे सोपे आहे”.
त्याच वेळी, आज तकला दिलेल्या मुलाखतीत सचिन तेंडुलकर यांनीही या अफवांवर प्रतिक्रिया व्यक्त केली. सचिनला विचारले गेले की त्याने स्वतःबद्दल सर्वात मूर्ख गोष्ट काय ऐकली आहे. यावर, सचिन याने उत्तर देत असे म्हटलं की, “हेच की माझे आणि शिल्पाचे प्रकरण सुरु आहे. आम्ही दोघेही एकमेकांना चांगले ओळखत नसताना या चर्चा सुरु होत्या”.
आणखी वाचा – बोनी कपूर यांना ओळखणंही झालं कठीण, बदलता लूक पाहून चाहत्यांनाही धक्का, वजन इतके कमी…
सचिन तेंडुलकर यांनी २४ मे १९९५ रोजी अंजली तेंडुलकरशी लग्न केले. अंजली सचिनपेक्षा सहा वर्षांनी मोठी आहे. त्यांना एक मुलगा आणि एक मुलगी आहे. मुलीचे नाव सारा आहे आणि मुलाचे नाव अर्जुन आहे. त्याच वेळी, शिल्पा देखील विवाहित आहे. तिने अँटेश रणजितशी लग्न केले. त्यांना एक मुलगी आहे.
