Dipika Kakar Liver Cancer : टेलिव्हिजन अभिनेत्री दीपिका कक्कर यकृताच्या कर्करोगाची बळी ठरली आहे. तिला दुसऱ्या टप्प्याचा यकृत कर्करोग आहे, याबाबत तिने स्वतःच माहिती देत खुलासा केला आहे. दीपिकाच्या आधीही बर्‍याच अभिनेत्रींनी कर्करोगाचा पराभव केला आहे. दीपिका कक्कर हिने यापूर्वी सोशल मीडियावर यकृताच्या ट्यूमरबद्दल माहिती दिली होती. यानंतर तिने हे उघड केले आहे की, त्याला स्टेज २ चा यकृत कर्करोग आहे. आता लवकरच म्हणजे पुढील आठवड्यात तिच्यावर शस्त्रक्रिया होईल. दीपिकाच्या कर्करोगाच्या बातमीने तिच्या चाहत्यावर्गात काळजीच वातावरण पसरलं आहे.
बॉलिवूड अभिनेत्री किरण खेर यांनादेखील कर्करोगाचा सामना करावा लागला आहे. सन २०२० मध्ये तिच्या रक्तात कर्करोग आढळला. मात्र या कठीण काळातही अभिनेत्री खचली नाही तिने स्वतःला मजबूत ठेवलं आणि हा लढा दिला. आता तिने या प्राणघातक आजाराचा पराभव केला असून ती सुखरूप आहे. टीव्ही अभिनेत्री चित्रा मित्तल हिला देखील २०२२ मध्ये स्तनाच्या कर्करोगाचे निदान झाले. त्यांनी याबद्दल सोशल मीडियावर माहिती दिली. या यादीमध्ये मनीषा कोइराला देखील समाविष्ट आहे.
मनीषाला २०१२ मध्ये स्टेज चारचा डिंबग्रंथीचा कर्करोग झाला होता. आता तिने कर्करोगाशी लढा दिला आहे. तर मालिकाविश्वातील लोकप्रिय अभिनेत्री हिना खान हिनेदेखील काही काळापूर्वी स्तनाच्या कर्करोगाबद्दल सांगितले. अभिनेत्री सध्या या आजारपणावर उपचार करताना दिसत आहे. अभिनेत्रीवर सध्या केमोथेरपी सुरु आहे. ती तिच्या आरोग्याबद्दल चाहत्यांना नेहमीच अपडेट देत असते.
आणखी वाचा – आईला कॅन्सर पण दोन वर्षाचा लेकालाही कळतोय त्रास, दीपिका कक्करने सांगितली परिस्थिती, मुलगा रुहान म्हणाला…
सोनाली बेंद्रे ही बॉलिवूडमधील सर्वोत्कृष्ट अभिनेत्री आहे. तिला स्टेज चार मेटास्टॅटिक स्तनाचा कर्करोग होता. या आजारातून तिची मृत्यू होण्याची शक्यता अधिक होती. ३० टक्के अभिनेत्रीची जगण्याची शक्यता असल्याचं बोललं जात होतं. आता सोनालीने कर्करोगाशी लढाई जिंकली आहे. २०२२ मध्ये महिमा चौधरी यांना स्तनाच्या कर्करोगाबद्दल माहिती मिळाली. तिने स्वतःच याबद्दल माहिती दिली. तिने आपला हा आजारपणातील प्रवास वेळोवेळी शेअर केला आहे.
