बॉलिवूडचा प्रसिद्ध संगीतकार हिमेश रेशमिया हे नाव माहीत नाही असं फारच क्वचित कोणीतरी असेल. हिमेश रेशमियाने आजवर अनेक हिट गाणी देत रसिक श्रोत्यांना मंत्रमुग्ध केलं आहे. आपल्या गाण्यांनी चर्चेत राहणारा हा गायक व संगीतकार त्याच्या वैयक्तिक आयुष्यामुळेही चर्चेत राहिला आहे. हिमेशनं पूर्वश्रमीची पत्नी कोमलसोबतचं २२ वर्षांचं वैवाहिक आयुष्य संपवत घटस्फोट घेतला होता आणि त्यानंतर गर्लफ्रेंड सोनिया कपूरसोबत लग्न केलं.
हिमेश रेशमियानं कोमलबरोबर १९९५मध्ये लग्न केलं होतं. त्यानंतर २२ वर्षांनी दोघांनीही वेगळं होण्याचा निर्णय घेतला. काही रिपोर्ट्सनुसार सोनिया कपूरशी हिमेशची जवळीक वाढत गेल्यानं कोमल आणि हिमेशच्याअ नात्यात दुरावा आला असल्याचं म्हटलं गेलं होतं. मात्र ही गोष्ट कोमलने अनेकदा नाकारली आहे. पण कोमलनेच आपल्या नवऱ्याची सोनियाबरोबर भेट घडवून आणली होती असं म्हटलं गेलं होतं.
हिमेश आणि कोमल ज्या बिल्डिंगमध्ये राहत होते. त्याच बिल्डिंगमध्ये सोनिया राहत होती आणि त्यांच्या मैत्रीमुळे सोनिया वारंवार हिमेशच्या घरी जायची. एवढंच नाही तर हे दोघंही हिमेशचा घटस्फोट होण्याआधीच लिव्ह इनमध्ये राहत होते आणि हिमेश सोनियाचा सर्व खर्च करत होता असं बोललं जातं.
हिमेशने आपल्या वडिलांच्या सांगण्यावरून संगीत क्षेत्र निवडलं. मात्र गुजराती कुटुंबातून आलेल्या हिमेशचं लग्न हे वयाच्या २१ व्या वर्षीच कोमलशी झालं. २०१७ मध्ये लग्नाच्या २२ वर्षांनी त्यांनी घटस्फोट घेतला. मात्र त्याआधी १२ वर्ष हिमेश आणि सोनिया नात्यात होते असं सांगण्यात येतं. अनेकदा सोनियाला घटस्फोटासाठी जबाबदार धरलं जातं. मात्र हिमेशच्या बायकोने हे साफ नाकारलं होतं.
दरम्यान, साधारण १२ वर्ष हिमेश आणि सोनियाने एकमेकांना डेट केले. एकमेकांना साथ दिली. आपल्या पहिल्या पत्नीपासून वेगळे झाल्यानंतर १ वर्षाने सोनिया आणि हिमेशने लग्न केले. हिमेशचा मुलगा स्वयंदेखील या लग्नाला आला होता आणि हिमेश आणि सोनिया सुखाने संसार करत आहेत.
