सिंह, वाघ व बिबट्या यांसारख्या वन्य प्राण्यांपासून सुरक्षित राहण्याचा सल्ला मनुष्य वर्गाला नेहमीच दिला जातो, तर काही वन्य प्राणी आहेत ज्यांना मनुष्यवर्ग फारसा घाबरत नाही, कारण त्यांना मानवांचे साथीदार म्हटले जाते. यामध्ये हत्तींचाही समावेश आहे. पृथ्वीवरील हा सर्वात मोठा राक्षस शतकानुशतके मानवांसह राहत आहे. पूर्वीच्या काळी राजे व सम्राट त्यांच्यावर स्वार व्हायचे आणि त्यांचा वापर युद्धातही करायचे. खरं तर हे प्राणी मैत्रीपूर्ण आहेत. सध्या सोशल मीडियावर हत्तीशी संबंधित एक व्हिडीओ तुफान व्हायरल होत आहे. या व्हायरल व्हिडीओवर लोकांची मन जिंकली आहेत. (Elephant Viral Video)
सदर व्हिडीओमध्ये एक हत्ती आपल्या त्याची काळजी घेणाऱ्या व्यक्तीला म्हणजे केअरटेकरला भेटायला हॉस्पिटलमध्ये पोहोचतो. जेव्हा त्याला त्याच्या केअरटेकरच्या आजारपणाबाबत कळते तेव्हा तो हत्ती रुग्णालयात पोहोचतो. व्हिडीओमध्ये असं पहायला मिळत आहे की, हत्ती दरवाजाजवळ बसला आहे आणि हळू हळू रेंगाळत हॉस्पिटलच्या खोलीत जाताना दिसत आहे. केअरटेकरजवळ पोहोचताच हत्ती त्याला उठवण्याचा प्रयत्न करतो, पण केअरटेकर खूप आजारी व वयोवृद्ध असल्याने त्यांना बेडवरुन हलता येत नाही, म्हणून शेजारी उभ्या असलेल्या एका महिलेने त्या वयोवृद्ध इसमाचा हात हत्तीच्या सोंडेला लावायला मदत केली. हत्तीचे माणसावर इतके प्रेम तुम्ही याआधी क्वचितच पाहिले असेल.
An elephant comes to visit it's elderly human companion in village hospital … ????pic.twitter.com/QMx14Jlx0c
— Figen (@TheFigen_) March 13, 2024
हा हृदयस्पर्शी व्हिडीओ सध्या सोशल मीडियावरुन शेअर करण्यात आला असून या व्हिडीओला प्रेक्षकांची पसंती मिळत आहे. अवघ्या २७ सेकंदांचा हा व्हिडीओ आतापर्यंत २.२ मिलियन म्हणजेच २२ लाख वेळा पाहिला गेला आहे, तर ३६ हजारांहून अधिक लोकांनी या व्हिडीओला पसंती दर्शविली आहे.
त्याचप्रमाणे हा व्हिडीओ पाहिल्यानंतर लोकांनी वेगवेगळ्या प्रतिक्रिया देण्यासही सुरुवात केली आहे. एका नेटकाऱ्याने लिहिले आहे की, “माणसांनी त्या हत्तीचे काहीतरी चांगले केले असेल, कारण जर तुम्ही माणसांचे चांगले केले तर ते लगेच विसरतात, पण प्राणी कधीच विसरत नाहीत”, तर दुसऱ्या यूजरने लिहिले आहे की, “जेव्हा हत्ती त्याच्या मानवी मित्राला भेटायला येतो हा एक हृदयस्पर्शी क्षण आहे”.
