‘ससुराल सिमर का’ मालिकेमुळे नावारुपाला आलेली दीपिका कक्कर सध्या शारीरिकरित्या खचली आहे. काही दिवसांपूर्वीच दीपिका व तिचा पती शोएब इब्राहिमने सगळ्यांसमोर एक सत्य आणलं. दीपिकाला टेनिस बॉल आकाराचा लिव्हरला ट्युमर असल्याचं डॉक्टरांनी सांगितलं. मात्र हा ट्युमर म्हणजे नक्की कर्करोग आहे का? याचं निदान आतापर्यंत झालं नव्हतं. अखेरी दीपिकाला लिव्हरचा कर्करोग असल्याचं डॉक्टरांकडून सांगण्यात आलं आहे. काही तपासण्या केल्यानंतर दीपिका व शोएबला याबाबत डॉक्टरांकडून माहिती देण्यात आली. त्यानंतर दोघांच्याही कुटुंबाला मोठा धक्का बसला आहे. दीपिकाला दोन वर्षांचा लहान मुलगा आहे. त्याची चिंता तिला सतत सतावत आहे. युट्युब चॅनलद्वारे नवा व्हिडीओ शेअर करत शोएबने याबाबत माहिती दिली. (Dipika kakar liver cancer)
शोएबबरोबरच दीपिकाने सोशल मीडिया अकाऊंटद्वारे एक पोस्ट शेअर करत कर्करोगाबाबत सांगितलं. तसेच माझ्यासाठी प्रार्थना करा असंही दीपिकाने या पोस्टद्वारे म्हटलं. यावेळी दीपिका खूपच भावुक झाली. दीपिका म्हणाली, “कर्करोग हा प्रत्येकासाठी भीतीदायकच शब्द आहे. कुटुंबासाठी तसेच रुग्णासाठीही हे सगळं कठीण आहे. पण डॉक्टरांनी मला सांगितलं आहे की, तुला हा आजार अशावेळी झाला आहे की तो सहज बरा होईल. फक्त आम्ही हिंमतीने सगळं करत आहोत”.
दीपिकाने तिच्या पोस्टद्वारे स्वतःला व कुटुंबाला आधार देत मत मांडलं. यावर चाहत्यांनी विविध कमेंट केल्या. तसेच तिच्याबाबत चिंता व्यक्त केली. दीपिकाच्या उत्तम आरोग्यासाठी सगळेच प्रार्थना करत आहेत. मात्र तिचा दोन वर्षाला लेक रुहानलाही आईची तळमळ व आजार कळत आहे. याबाबत शोएबने स्वतः व्लॉगद्वारे सांगितलं. तो म्हणाला, “रुहानला दीपिका फिडिंग करत नाही. दूध पाजणं पूर्णपणे बंद आहे. तरीही दोन वर्षांचा रुहान खूप समजूतदारपणे वागत आहे”.
दीपिका पुढे म्हणाली, “तो इतका लहान असूनही रुहानला माहित आहे की, आई लहान आहे. दुधासाठी दिवसातून एकदा तरी तो माझ्याकडे येतो आणि बोलतो. पण त्यानंतर रुहानला कळतं की, आई ठिक नाही. पण सगळे आमच्याबरोबर आहेत. म्हणून आम्ही हिंमतीने या सगळ्याचा सामना करत आहोत”. दीपिका व शोएबने सगळं काही चाहत्यांसमोर मांडलं. आता लवकरच दीपिकाची सर्जरी होणार आहे. त्यामुळे उत्तम आरोग्यासाठी ती सगळ्याचा हिंमतीने सामना करत आहेत.
