Deepika Kakkar Scars : टीव्ही अभिनेत्री दीपिका कक्कर आणि तिचा नवरा शोएब इब्राहिम गेल्या काही आठवड्यांपासून खूप कठीण परिस्थितीतून जात आहेत. अभिनेत्रीला यकृत कर्करोग स्टेज २ आढळला. यावेळी तिच्यावर १४ तास शस्त्रक्रिया झाली. तिला १२ दिवस रुग्णालयात दाखल करण्यात आले होते. दरम्यान, तिला१२ जून रोजी तिला घरी सोडण्यात आले. आता ती तिचा मुलगा रुहानसह घरी वेळ घालवत आहे. शोएबने नवीनतम व्हिडीओमध्ये दीपिकाच्या गळ्यावर शस्त्रक्रिया झाल्यानंतरची खून दर्शवली आहे. अभिनेत्रीने हे देखील उघड केले की तिने १२ दिवसांनंतर आपले केस धुतले.
शोएब इब्राहिमने दीपिका कक्करच्या आरोग्याबद्दल अपडेट दिली आणि सांगितले की, ती हळूहळू बरी होत आहे, परंतु तिला खूप वेदना होत आहेत. तिच्या गळ्यातील पट्टी काढली गेली आहे. अशा परिस्थितीत त्या मानेवरील जखमा स्पष्टपणे दृश्यमान आहेत. तेथे पुरळ देखील आला आहे. दीपिकाने असेही सांगितले की तिने तब्बल १२ दिवसांनी तिचे केस धुतले आहेत आणि आता तिला खूप फ्रेश वाटत आहे. केस धुऊन नंतर तिला रीफ्रेश वाटले.
मग शोएब म्हणाला, “काही पुरळसुद्धा मानेवर आली आहे”. शस्त्रक्रियेनंतर दीपिका व्हीलॉगसह परत आली आहे. तिला तिच्या चाहत्यांकडे परत आल्यावर खूप आनंद झाला आहे. ती म्हणाली, “मी घरी आले आहे. घरी आल्यानंतर प्रत्येकजण माझ्या सभोवताली आहे. रुहान माझ्या सभोवताली रेंगाळत आहे, खेळत आहे. आणि सगळ्यांकडून मला खूप प्रेम मिळत आहे”. तिने सांगितले की जेव्हा तिला शस्त्रक्रियेबद्दल कळले तेव्हा ती चिंताग्रस्त होऊ लागली. ती वेळ खूप कठीण होती. पण या सगळ्या काळात कुटुंब पाठीशी खंबीर होते आणि शोएब विशेष काळजी घेत होता.
शास्त्रक्रियेनंतर दीपिका घरी परतली असली तरी अदयाप तिच्यावरील उपचार काही पूर्ण झालेले नाहीत. याबाबत दीपिकाने स्वतःच पोस्ट करत सांगितलं. ती म्हणाली, “११ दिवस झाले आहेत आणि आता मी घरी आले आहे. ट्यूमरपासून मी मुक्त झाले आहे परंतु हा उपचारांचा एक भाग आहे, उर्वरित उपचार येत्या काळातच असतील. आणि मला खात्री आहे की मी आधी म्हटल्याप्रमाणे मी यावर मात करीन. हे ११ दिवस कठीण होते, परंतु आपल्या सभोवतालच्या आश्चर्यकारक लोकांमुळे हे सहजपणे शक्य झाले”.
