प्रसिद्ध टीव्ही अभिनेत्री दलजीत कौर काही दिवसांपूर्वी तिच्या वैयक्तिक आयुष्यामुळे चांगलीच चर्चेत आली होती. गेल्या काही दिवसांपासून अभिनेत्रीच्या दुस-या लग्नातही काही अडचणी आल्याच्या चर्चा सोशल मीडियावर व्हायरल होत होत्या. अभिनेत्रीने गेल्या वर्षी व्यावसायिक निखिल पटेलबरोबर दुसरे लग्न केले होते. अशातच आता अशा बातम्या येत आहेत की, या जोडप्यामध्ये काही मतभेद आहेत आणि ते वेगळे होणार आहेत. दरम्यान, दलजीत कौरने तिच्या ब्राइडल लूकचा एक व्हिडीओ सोशल मीडियावर शेअर केला आहे. जो सध्या सोशल मीडियावर तुफान व्हायरल होत आहे.
दलजीत कौरने तिच्या इंस्टाग्राम अकाउंटवर हा व्हिडिओ शेअर केला आहे. ज्यामध्ये ती वधूच्या पोशाखात दिसत आहे. मात्र तिच्या चेहऱ्यावर निराशा आणि डोळ्यात वेदना दिसत आहेत. या व्हिडीओसह तिने याखाली लिहिलेल्या कॅप्शने सर्वांचे लक्ष वेधून घेतले आहे. या व्हिडीओखालील कॅप्शनमध्ये दलजीतने असं म्हटलं आहे की, “ती तिच्या मुलांसाठी मौन बाळगून आहे. यावेळी तिला खाली पडू न देण्यासाठी तिचे कुटुंबीयही तिला घट्ट धरून ठेवतात. ती वाट पाहत आहे”.
या व्हिडीओला तिच्या चाहत्यांनी लाईक्स व कमेंट्स करत प्रतिसाद दिला आहे. या व्हिडीओखाली एकाने कमेंट करत असं म्हटलं आहे की, “जे काही सत्य आहे ते तुम्ही मुलांना सांगा.” असं म्हटलं आहे. तर दुसऱ्याने “किती दिवस तुम्ही सत्य लपवणार आहात?” अशी कमेंट केली आहे. त्याचबरोबर अनेकांनी ‘तुम्ही मुलांना सर्व सांगितले पाहिजे’, ‘त्यांच्यापासून काही लपवून ठेवले नाही पाहिजे’, ‘सत्य जाणून घेणे हा त्यांचाही अधिकार आहे’. अशा अनेक कमेंट्स केल्या आहेत.
वास्तविक, दलजीत आणि निखिलच्या घटस्फोटाची बातमी तेव्हा प्रसारित झाली जेव्हा अभिनेत्रीने तिच्या दुसऱ्या पती निखिल पटेलचे आडनाव इन्स्टाग्रामवरून हटवले. यानंतर लोक असा अंदाज लावू लागले की दलजीत वाईट काळातून जात आहे आणि तिचे दुसरे लग्नही लवकरच तुटणार आहे.
मात्र, या प्रकरणी अभिनेत्रीने अद्याप कोणतेही अधिकृत वक्तव्य दिलेले नाही. दरम्यान, १८ मार्च २०२३ रोजी दलजीत व निखिल यांचे लग्न पार पडले होते. लग्नानंतर अभिनेत्री आपल्या पती व मुलासह केनियामध्ये राहत होती. मात्र जानेवारी महिन्यात ही अभिनेत्री भारतात परतली, त्यानंतर त्यांच्या घटस्फोटाबद्दलच्या अनेक चर्चा रंगल्या होत्या.
