जगप्रसिद्ध असलेल्या ‘कोल्ड प्ले’ बँडचे सध्या भारतात कॉन्सर्ट सुरु आहेत. मुंबईत तीन दिवस कॉन्सर्ट झाल्यानंतर त्यांनी गुजरातमधील रसिक श्रोत्यांना मंत्रमुग्ध केलं. मुंबईत हिंदी आणि मराठी बोलून मन जिंकणारा ख्रिस मार्टिन याने आता भारतीयांचे पुन्हा एकदा मन जिंकले आहे. याचे कारण ख्रिस मार्टिन प्रयागराज येथील कुंभमेळ्यात पोहोचला आहे. ख्रिस मार्टिन आणि त्याची मैत्रीण डकोटा जॉन्सन प्रयागराजला पोहोचले आहेत. ख्रिस मार्टिन आणि डकोटा जॉन्सन सोमवारी, २७ जानेवारी रोजी महाकुंभ मेळ्यात दिसले. ख्रिसने निळा टी-शर्ट आणि खांद्यावर केशरी रंगाचे वस्त्र घातले होते. डकोटाने तिच्या डोक्याभोवती केशरी वस्त्र गुंडाळले होते. (Chris Martin participating in Mahakumbh)
प्रयागराजला जाण्याआधी एक दिवस कोल्ड प्लेने गुजरातमधील अहमदाबाद येथील नरेंद्र मोदी स्टेडियमवर खास परफॉर्मन्स दिला होता. कॉन्सर्ट दरम्यान क्रिसने ७६ व्या प्रजासत्ताक दिनानिमित्त ‘मां तुझे सलाम’ आणि ‘वंदे मातरम’ ही देशभक्तीपर गाणी गायली. त्यांनी ‘भारत माता को सलाम’ गाऊन मैफलीची सांगता केली आणि सर्वांना शुभेच्छा दिल्या. अशातच त्याचे प्रयागराजमधील व्हिडीओ सोशल मीडियावर व्हायरल होत आहेत आणि या व्हिडीओवर अनेकजण मार्टिनचे कौतुक करताना दिसत आहेत. महाकुंभ मध्ये सामील झाल्याबद्दल आणि भगवे वस्त्र परिधान केल्यानिमित्त अनेकांनी जय सनातन अशा घोषणा केल्या आहेत.
#WATCH | Uttar Pradesh | American actress Dakota Johnson and co-founder of the rock band Coldplay & singer Chris Martin at Prayagraj #MahaKumbhMela2025 pic.twitter.com/8kttMyjrdG
— ANI (@ANI) January 27, 2025
आणखी वाचा – Video : स्वत:च्या शेतात रमला सुप्रसिद्ध मराठी अभिनेता, नांगरणी करतानाचा व्हिडीओ समोर, साधेपणाचं कौतुक
ब्रिटिश रॉक बँड कोल्ड प्लेचा भारतातील शेवटचा कार्यक्रम २६ जानेवारी रोजी गुजरातमध्ये झाला. कोल्ड प्लेचा शो गुजरातमधील नरेंद्र मोदी स्टेडियममध्ये झाला. यावेळी ख्रिस मार्टिन यांनी प्रजासत्ताक दिनाच्या शुभेच्छा देऊन प्रेक्षकांची मने जिंकली. फक्त शुभेच्छाच नाही तर यावेळी ख्रिसने ‘वंदे मातरम्’ हे देशभक्तीपर गीत गाऊन सर्वांना चकित केले. हे व्हिडीओ सोशल मीडियावर व्हायरल झाले आहेत.
आणखी वाचा – देवोलीना भट्टाचार्जीने दीड महिन्यांनी केलं बाळाचं नामकरण, ठेवलं ‘हे’ खास नाव, नेमका अर्थ काय?
त्यानंतर आता ख्रिस मार्टिनचे महाकुंभमधील व्हिडीओ सोशल मीडियावर व्हायरल होत आहेत. दरम्यान, कोल्ड प्लेने २५ आणि २६ जानेवारी रोजी अहमदाबादमधील मैफिलीसह भारतातील त्यांच्या म्युझिक ऑफ द स्फेअर्स टूरची सांगता केली. यापूर्वी १८, १९ आणि २१ जानेवारीला त्यांनी मुंबईत परफॉर्म केले होते.
